Z 1 studzienia 2027 hoda ŭ Biełarusi pačnie dziejničać novaja redakcyja Vodnaha kodeksa, jakaja ŭvodzić dadatkovyja patrabavańni da štučnych vadajomaŭ na pryvatnych ziamielnych učastkach.
Pavodle novych pravił, na adnym placy dazvalajecca mieć tolki adnu sažałku-kopanku. Pry hetym jaje płošča nie pavinna pieravyšać 5% ad ahulnaj płoščy ziamielnaha nadziełu.
Sažałkaj-kopankaj ličycca štučny vadajom z płoščaj vodnaj pavierchni nie bolš za 0,01 hiektara (adna sotka) i hłybinioj da dvuch mietraŭ. Vykarystoŭvać jaje možna tolki dla asabistych patreb, naprykład dla palivu abo raźviadzieńnia ryby biez kamiercyjnaj dziejnaści.
Novaje zakanadaŭstva taksama zabaraniaje stvarać na pryvatnych učastkach inšyja vidy pavierchnievych vadajomaŭ. Akramia taho, ustanoŭlenyja patrabavańni da raźmiaščeńnia sažałki: jana pavinna znachodzicca nie bližej čym za try mietry ad bierahavoj linii pryrodnych vadajomaŭ i nie mienš čym za try mietry ad miažy susiedniaha placu.
Hetyja normy buduć raspaŭsiudžvacca nie tolki na novyja, ale i na ŭžo najaŭnyja vadajomy. Kali na ŭčastku jość niekalki sažałak abo ich pamiery pieravyšajuć dapuščalnyja miežy, uładalnikam daviadziecca pryvieści svaju terytoryju ŭ adpaviednaść z patrabavańniami zakona.
Pry hetym dla stvareńnia sažałki-kopanki nie spatrebicca raspracoŭka prajektnaj dakumientacyi. Taki vadajom budzie znachodzicca ŭ adasoblenym karystańni ŭładalnika ŭčastka, tamu inšyja ludzi zmohuć karystacca im tolki ź jaho dazvołu. Vyklučeńnie zroblena dla technałahičnych abjektaŭ, u tym liku supraćpažarnych vadajomaŭ.
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami22
Kamientary
kopanka(RUS) = Jama, rov, kołodiec, vykapyvajemyje dla sobiranija doždievych ili hruntovych vod;
sm.kopań 1.