U Akademii navuk zaklikali biełarusaŭ aktyŭna łavić try vidy ryb
U Nacyjanalnaj akademii navuk Biełarusi zaklikali nasielnictva aktyŭna vyłoŭlivać try vidy invaziŭnych ryb, jakija ličacca škodnymi dla miascovaj pryrody. Hetyja vidy ŭklučanyja ŭ tak zvanuju «Čornuju knihu» invaziŭnych žyvioł, piša Telegraf.news.
Havorka idzie pra amierykanskaha somika, ratana-hałaviešku i byčka-piasočnika. Usie jany nie źjaŭlajucca naturalnymi dla biełaruskich vadajomaŭ i mohuć nanosić škodu miascovym vidam ryb.
U vialikich rekach kolkaść pradstaŭnikoŭ hetych vidaŭ častkova rehulujuć drapiežnyja ryby, ale ŭ nievialikich aziorach i sažałkach, dzie ŭ ich niama naturalnych vorahaŭ, jany chutka razmnažajucca. Jany kankuryrujuć ź miascovymi vidami za ježu i mohuć źniščać ich maładniak, tym samym paharšajučy stan vodnych ekasistem.
Kab strymać ich raspaŭsiudžvańnie, u Biełarusi dazvolena vyłoŭlivać hetyja vidy biez abmiežavańniaŭ pa kolkaści i vazie. Śpiecyjalisty navat zaklikajuć rybałovaŭ rabić heta bolš aktyŭna, kab pamienšyć škodu dla pryrody.
Pry hetym asabliva padkreślivajecca, što hetych ryb nielha pieranosić u inšyja vadajomy, bo heta tolki ŭskładnić prablemu i paspryjaje ich dalejšamu raspaŭsiudžvańniu.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im12
Kamientary