U centry Minska ŭ Śvisłačy złavili čyrvonaknižnuju stronhu. Niaŭžo jana ŭ joj zaviałasia?
U centry Minska rybak Jaŭhien Ražkoŭ 24 sakavika vypadkova złaviŭ redkuju ručajovuju farel, zaniesienuju ŭ Čyrvonuju knihu Biełarusi. Heta adbyłosia na Śvisłačy ŭ rajonie vulicy Arłoŭskaj. Spačatku jon dumaŭ, što heta inšaja ryba, ale, ubačyŭšy ŭłoŭ, vielmi ździviŭsia. Paśla fota rybak adpuściŭ farel nazad u vadu, piša «Smartpres».
«Ja tolki ŭ apošni momant zrazumieŭ, chto heta. Pakul ciahnuŭ, dumaŭ, sudak drobny, miarkujučy pa vyciahnutym cieni ŭ vadzie. Kali padvioŭ da bieraha, nie pavieryŭ svaim vačam, bo ŭ takoj brudnaj vadzie stronha nie moža vadzicca. Kali vyciahnuŭ, vielmi ŭzradavaŭsia i navat uščyknuŭ siabie, kab pravieryć, ci nie splu ja», — havoryć rybak.
Zrabiŭšy paru fota, chłopiec vypuściŭ rybinu nazad u vadu, ad razhublenaści navat nie zdahadaŭšysia zrabić videa.
Navukoŭcy paćvierdzili, što na fota sapraŭdy ručajovaja stronha, ale adznačyli: na siońnia niama źviestak, što hety vid pastajanna žyvie ŭ Śvisłačy ŭ miežach Minska. Tamu śpiecyjalisty prosiać paviedamlać pra padobnyja vypadki, kali jany paŭtoracca.
Raniej heta ryba sustrakałasia vyšej pa ciačeńni Śvisłačy, ale ciapier najbližejšyja miescy, dzie jana žyvie — reki Isłač i Hajna, jakija sa Śvisłačču nie złučanyja. Tamu samastojna trapić u Minsk jana nie mahła.
Viersija pra toje, što ikru mahli pieranieści ptuški, ličycca małavierahodnaj. Chutčej za ŭsio, rybinu niechta vypuściŭ u raku — naprykład, z akvaryuma abo paśla łoŭli ŭ inšym miescy.
Dla žyćcia fareli patrebnaja čystaja, chałodnaja vada ź vialikaj kolkaściu kisłarodu. U Minsku jana tearetyčna moža vyžyć u asobnych miescach, dzie ŭ raku ŭpadajuć krynicy z čystaj ściudzionaj vadoj, ale razmnažacca — nie, bo dla hetaha patrebna kamianistaje dno, jakoha ŭ Śvisłačy niama.
U cełym u Biełarusi kolkaść ručajovaj fareli pastupova raście, i jaje ŭžo ličać mienš uraźlivym vidam, čym raniej. Adnak łavić takuju rybu zabaroniena — kali takaja traplaje na kručok, to jaje treba adrazu adpuskać.
Siońnia ŭ Raŭbičach vyciahnuli rybaka z pałonki
Pierad sustrečaj z Łukašenkam Koŭła zabaŭlali raskazami pra zimovuju rybałku
Rybaki znajšli na Biarezinie dziŭnuju pałonku, pobač lažaŭ ledabur
Biasstrašnaść i advaha. Hetyja ludzi łoviać rybu na lodzie ŭ +14
Na Čyhirynskim vadaschoviščy rybaki zamiest ryby dastali z vady toje, čaho zusim nie čakali
U Hrodnie znoŭ zaŭvažyli ažyjataž na race. Što tak pryciahvaje dziasiatki čałaviek?
Kamientary