Biasstrašnaść i advaha. Hetyja ludzi łoviać rybu na lodzie ŭ +14
Ciapło pastupova nakryła ŭsiu Biełaruś. Śnieh sychodzić, lod rastaje, z kožnym dniom stračvajučy ŭ taŭščyni, ale heta ŭsio roŭna nie adpudžvaje fanataŭ zimovaj rybałki. Onliner.by prajechaŭsia pa biełaruskich vadajomach i pahladzieli na tych, chto łović ź lodu ŭ plus 14.
Kali na poŭdni lod syšoŭ, to na astatniaj častcy krainy jon pakul nie zdajecca. Pierš za ŭsio pabyvali na Smalavickim vadaschoviščy. Pa vychodnych tut možna ŭbačyć dziasiatki rybakoŭ, jakija prysieli na svaje torby z vudačkami ŭ rukach, ale zaraz situacyja inšaja — rybakoŭ adnaznačna mienš. Ci to ŭ budni ŭsie raźbiehlisia pa pracach, ci to sapraŭdy spałochalisia rastałaha lodu. Ale biasstrašnych usio roŭna chapaje.
Samy hałoŭny ekstremał dnia pryciahnuŭ za saboj rovar.
Na čarzie nievialikaje azierca ŭ vioscy Juzafova, u Aršanskim rajonie.
A heta ŭžo aziory ŭ Viciebskaj vobłaści.
Tym časam na vadaschoviščy Drazdy na ŭskrainie Minska.
Akvatoryju na aerałodcy pastajanna patrulujuć supracoŭniki MNS i Tavarystva vyratavańnia na vodach
Svoj viełasipiedyst tut taksama znajšoŭsia
Jak vidać, rybaki nikudy nie padzielisia: pramyiny i adkrytaja vada ŭ niekatorych miescach im nie pieraškoda.
Nu a tak na dniach vyhladaŭ Facinski zaliŭ — učastak vady na race Dniapro ŭ Mahilovie.
Mnohija rybaki na ŭsie pieraściarohi mohuć machnuć rukoj. Maŭlaŭ, lod mocny, i jaho taŭščynia składaje dazvolenyja dla vychadu 7 santymietraŭ. Ale, jak ličyć aficyjnaja pradstaŭnica Tavarystva vyratavańnia na vodach Kaciaryna Michalova, nie ŭsio tak prosta:
— Ab situacyi na biełaruskich vadajomach adnaznačna skazać składana. Na bolšaści rek z pryčyny ciačeńnia i rastavańnia lod syšoŭ, a voś na aziorach i vadaschoviščach situacyja inšaja. U niekatorych miescach ledzianoje pakryćcio ŭžo rychłaje, i taŭščynia lodu tam mienš za 7 santymietraŭ, ale dzieści — bolš.
Zhodna z pastanovaj №543 ab achovie žyćcia ludziej na vodach, vychad na lod u pieryjady ŭtvareńnia abo razbureńnia ledzianoha pakryćcia, a taksama pry niedasiahnieńni taŭščyni kryštaličnaha ledzianoha pakryćcia siami santymietraŭ zabaronieny. Rašeńnie ab uviadzieńni zabarony prymajuć miascovyja vykankamy. I padobnaja miera pastupova ŭvodzicca ŭ rajonach Biełarusi. Da prykładu, u Zelvienskim.
Adnak my ŭ lubym vypadku nie rekamiendujem vychodzić na lod. U ciopłaje nadvorje jon chutka rastaje, i padlodnaja rybałka moža skončycca trahična. U minułym hodzie byŭ vypadak na Vilejskim vadaschoviščy. Taŭščynia lodu była 20 sm, ale mocna hreła sonca, paduŭ ciopły viecier… Lod u vyniku pačaŭ rastavać imhnienna, i ludzi traplali ŭ vadu. Ryzyki ŭzrastajuć, ale rybaki ŭ hetyja dni ŭsio roŭna aktyŭna vychodziać na lod Minskaha mora, Drazdoŭ i Viačy.
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča10
Kamientary
Pośle zimy appietit źvierskij, a sił honiaťsia za dobyčiej niet.
Vot nas viesnoj dobryje ludi i podkarmlivajut.