100 bałaŭ na centralizavanym ekzamienie atrymali 638 vypusknikoŭ
Centralizavany ekzamien u hetym hodzie zdali 58 850 vypusknikoŭ 11‑ch kłasaŭ, paviedamiła Ministerstva adukacyi. Pry hetym viedamstva padzialiłasia statystykaj najbolš paśpiachovych vynikaŭ.
Najvyšejšy vynik — 100 bałaŭ — atrymali 638 užo byłych vučniaŭ, što krychu bolš, čym letaś, kali takich vypusknikoŭ było 623.
Najbolš stabalnych vynikaŭ zafiksavana pa matematycy (190), hramadaznaŭstvie (145), anhlijskaj movie (125), bijałohii (88), chimii (35) i fizicy (22). Taksama 100 bałaŭ atrymali adzin vypusknik pa kitajskaj movie, dzieviać — pa niamieckaj i piatnaccać — pa francuzskaj.
Siarednija vyniki pa bolšaści pradmietaŭ pieravysili 60 bałaŭ. Tak, pa fizicy siaredni bał skłaŭ 61,9, pa chimii — 63,9, pa zamiežnaj movie — 61,09, pa historyi Biełarusi ŭ kantekście suśvietnaj historyi — 60,7, pa bijałohii — 60,1. Pa matematycy siaredni bał dasiahnuŭ 55,4.
Sioleta byli ŭviedzienyja novyja mahčymaści dla ŭdzielnikaŭ ekzamienu. Usie vypuskniki, jakija zdavali CE ŭ asnoŭnyja terminy, biaspłatna atrymajuć SMS-paviedamleńni z vynikami. Akramia taho, u asabistym kabiniecie na sajcie Respublikanskaha instytuta kantrolu viedaŭ možna budzie pahladzieć svaje bały, skan-kopii vykananych rabot i pravilnyja adkazy na ekzamienacyjnyja zadańni.
Dla tych, chto nie zmoh pryniać udzieł u CE ŭ asnoŭnyja dni pa ŭvažlivych pryčynach, praduhledžanyja reziervovyja daty — 20 i 22 červienia.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała8
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2525
Kamientary