Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny
Cim Suładze ŭzrušyŭ sacsietki historyjaj svaich zalacańniaŭ da adnakurśnicy, maładziejšaj za jaho na 25 hadoŭ, i jaje nieadnaznačnaj reakcyi.
Biełaruski trubač, jaki ciapier vučycca ŭ Litoŭskaj akademii muzyki i teatra, padzialiŭsia ŭ Threads ramantyčnaj historyjaj sa svajho studenckaha žyćcia — i paprasiŭ kamientataraŭ rastłumačyć jamu, što adbyvajecca.
Kali kazać koratka, 47‑hadovamu muzyku spadabałasia 22‑hadovaja dziaŭčyna (jana taksama vučycca ŭ muzyčnaj akademii): «Niekalki razoŭ hrali razam, ja zaprasiŭ jaje paviačerać, zrabiŭ dva padarunki, na dzień naradžeńnia i na Rastvo. Ad druhoha zaprašeńnia paviačerać admoviłasia».
Praź niekatory čas Cim napisaŭ dziaŭčynie ščyra, što jana jamu padabajecca. Taja adkazała doŭhim tekstam, sens jakoha možna źvieści da frazy: «Ty kłasny, dziakuj za ŭsio, ale nie».
Cim pryniaŭ admovu i pasprabavaŭ zabyć dziaŭčynu. Ale ž adznačaje: taja hladzić usie jaho storys, časam stavić łajki na dopisy.
A niadaŭna muzyka raptam sustreŭsia z maci hetaj dziaŭčyny. Žančyna pryznałasia, što sama adhavaryła dačku ad druhoj viačery — maŭlaŭ, kab mužčyna nie padumaŭ, što dziaŭčyna «taleračnica».
Cim adkazaŭ, što nikoli tak nie dumaŭ, a dziaŭčyna jamu sapraŭdy spadabałasia ź pieršaha pozirku. Maci ŭdakładniła, ci nie znajšoŭ muzyka inšaje kachańnie, i intryhoŭna dadała, što, moža, jaje dačka «jašče daśpieje».
Ciapier Cim nie moža zrazumieć, što heta ŭsio značyć. Dopis staŭ virusnym i za sutki nabraŭ bolš za 800 kamientaroŭ.
Samy papularny kamient nabraŭ ažno 2500 łajkaŭ: «Tłumačalnaja bryhada patrebna mnie. Jak možna ŭ 47 hadoŭ hladzieć na 22‑hadovaje dzicia jak na seksualny abjekt? Heta ž dačka vaša!».
Mierkavańnie «U dziaŭčyny pačućciaŭ nie ŭźnikła, što niadziŭna, uličvajučy takuju roźnicu ŭ hadach. Maman sprabuje «ŭładkavać» dačku ŭ dobryja ruki i trymaje vas na zapas» padtrymała 1600 čałaviek. Cim ža z hetym śćviardžeńniem spračajecca: jon ličyć, što takaja roźnica narmalnaja dla ludziej abodvuch pałoŭ.
Niechta prapanoŭvaŭ mužčynu źviarnuć uvahu na maci dziaŭčyny (toj 59 hadoŭ) — bo padobna, što muzyka zacikaviŭ mienavita jaje. Ale ŭ hetym vypadku Cim kateharyčny: kaža, taki raman niemahčymy. Darečy, jaho byłaja žonka była na dzieviać hadoŭ maładziejšaja za Cima.
Pry hetym Cim abiacaje ŭ kamientach, što sa svajho boku nie budzie rabić ničoha, kab pryciahnuć uvahu dziaŭčyny. Voś kali jana sama zrobić niejkija kroki, tady mužčyna padumaje.
U praciah abmierkavańnia Suładze apublikavaŭ niekalki prykładaŭ par, jakija jaho natchniajuć. Siarod ich suśvietna viadomy 63‑hadovy džazavy trubač, kampazitar Uintan Marsalis i jaho 38‑hadovaja žonka Nikoła Bieniedeci (jana skrypačka, łaŭreatka premii «Hremi»). Dva hady tamu ŭ pary, dzie roźnica 25 hadoŭ, naradziłasia dačka. Darečy, paznajomilisia Uintan i Nikoła, kali joj było ŭsiaho 17 hadoŭ — ale spačatku prosta siabravali.
Jašče adzin prykład dla Suładze — 72‑hadovy rasijski muzyka Andrej Makarevič i 42‑hadovaja žurnalistka Ejnat Klajn. Čaćviortaja žonka artysta naradziła ad jaho dzicia, kali Makareviču było 68 hadoŭ.
Cim piša: «Roźnica 30 hadoŭ. (…) Historyja Andreja i Ejnat — heta toje, što adpaviadaje maim ujaŭleńniam pra adnosiny. Mienavita takuju paru ja chaču stvaryć i rana ci pozna stvaru».
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała8
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2525
Kamientary
Tolki baba mahła takoje napisać!)