Rasijskija vojski atakavali dva cyvilnyja pošukava-vyratavalnyja sudny ŭ Čornym mory, jakija vykonvali humanitarnuju misiju ŭ miežach ukrainskaha marskoha kalidora. Pra heta paviedamiŭ vice-premjer Ukrainy pa adnaŭleńni Alaksiej Kuleba, piša «RBK-Ukraina».

U vyniku abstrełu jość paciarpiełyja. Ich evakuacyjaj zajmajucca katary Vajskova-marskich sił Ukrainy.
Pavodle infarmacyi ŭkrainskaha boku, pad udar trapili sudny Marskoj pošukava-vyratavalnaj słužby, jakija vykarystoŭvalisia dla humanitarnych zadač. Alaksiej Kuleba padkreśliŭ, što ŭ adpaviednaści z normami mižnarodnaha humanitarnaha prava takija pošukava-vyratavalnyja sudny karystajucca śpiecyjalnaj abaronaj i nie pavinny być abjektami napadaŭ.
Ukrainskija ŭłady rascanili hety incydent jak čarhovaje parušeńnie mižnarodnaha prava i pahrozu biaśpiečnaj pracy humanitarnych marskich kalidoraŭ u Čornym mory.
Ciapier praciahvajecca apieracyja pa evakuacyi paciarpiełych i ŭdakładnieńnie ŭsich abstavin ataki.
U Ciumieni zahareŭsia bujny NPZ. Ad Ukrainy datul 2000 kiłamietraŭ
Zialenski nazvaŭ masiravanuju ataku na Pieciarburh adkazam na admovu zaviaršyć kanflikt pamiž Rasijaj i Ukrainaj
Na vajnie va Ukrainie paranili palityka, eks-deputata Aleha Ciahniboka
Epocha tankaŭ zaviaršajecca. Jak i čamu Ukraina choča viarnuć ich na pole boju
Kamientary