Kvatery z abstalavańniem dla machlarskich koł-centraŭ vyjavili ŭ troch abłasnych centrach
Padčas pieratrusaŭ było kanfiskavana bolš za 30 adzinak abstalavańnia i zvyš 20 tysiač SIM-kart.
U Biełarusi spyniena dziejnaść niekalkich techničnych vuzłoŭ suviazi, jakija mahli vykarystoŭvacca zamiežnymi ašukanskimi koł-centrami dla masavych zvankoŭ i rassyłki SMS, paviedamlaje pres-słužba MUS.
Z 2024 hoda troje mužčyn va ŭzroście ad 19 da 30 hadoŭ u Minskaj, Mahiloŭskaj i Homielskaj abłaściach abstalavali ŭ svaich kvaterach techničnyja centry dla dystancyjnaha kiravańnia tysiačami SIM-kart.
Praź ich machlarskija koł-centry mahli masava abzvońvać hramadzian z metaj vykradańnia hrošaj.
Mužčyny atrymlivali ad kurataraŭ praz słužbu dastaŭki SIM-banki, GSM-šluzy, radyjomoduli, anteny i pracesary. Paśla padklučeńnia abstalavańnia jany zabiaśpiečvali jaho bieśpierabojnuju pracu.
«Akramia taho, ukazanaja złačynnaja infrastruktura vykarystoŭvałasia dla dziejańniaŭ, jakija ŭjaŭlajuć pramuju pahrozu nacyjanalnaj biaśpiecy i stabilnaści ŭ našaj krainie i Sajuznaj dziaržavie», — paviedamlaje MUS.
Padčas pieratrusaŭ było kanfiskavana bolš za 30 adzinak abstalavańnia i zvyš 20 tysiač SIM-kart.
Viadoma pra 40 GSM-pryład i bolš za 17 tysiač SIM-kart, a taksama mabilnyja telefony ź pierapiskaj z kuratarami.
Fihuranty raspaviali, što pahadzilisia na prapanovy ab zarobku, jakija pastupili ad nieviadomych praz telehram.
Usie troje raniej nie pryciahvalisia da kryminalnaj adkaznaści i aficyjna nie pracavali, adzin ź ich byŭ studentam.
Ciapier čytajuć
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie13
Kamientary