Кватэры з абсталяваннем для махлярскіх кол-цэнтраў выявілі ў трох абласных цэнтрах
Падчас ператрусаў было канфіскавана больш за 30 адзінак абсталявання і звыш 20 тысяч SIM-карт.
У Беларусі спынена дзейнасць некалькіх тэхнічных вузлоў сувязі, якія маглі выкарыстоўвацца замежнымі ашуканскімі кол-цэнтрамі для масавых званкоў і рассылкі SMS, паведамляе прэс-служба МУС.
З 2024 года трое мужчын ва ўзросце ад 19 да 30 гадоў у Мінскай, Магілёўскай і Гомельскай абласцях абсталявалі ў сваіх кватэрах тэхнічныя цэнтры для дыстанцыйнага кіравання тысячамі SIM-карт.
Праз іх махлярскія кол-цэнтры маглі масава абзвоньваць грамадзян з мэтай выкрадання грошай.
Мужчыны атрымлівалі ад куратараў праз службу дастаўкі SIM-банкі, GSM-шлюзы, радыёмодулі, антэны і працэсары. Пасля падключэння абсталявання яны забяспечвалі яго бесперабойную працу.
«Акрамя таго, указаная злачынная інфраструктура выкарыстоўвалася для дзеянняў, якія ўяўляюць прамую пагрозу нацыянальнай бяспецы і стабільнасці ў нашай краіне і Саюзнай дзяржаве», — паведамляе МУС.
Падчас ператрусаў было канфіскавана больш за 30 адзінак абсталявання і звыш 20 тысяч SIM-карт.
Вядома пра 40 GSM-прылад і больш за 17 тысяч SIM-карт, а таксама мабільныя тэлефоны з перапіскай з куратарамі.
Фігуранты распавялі, што пагадзіліся на прапановы аб заробку, якія паступілі ад невядомых праз тэлеграм.
Усе трое раней не прыцягваліся да крымінальнай адказнасці і афіцыйна не працавалі, адзін з іх быў студэнтам.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары