Usio praz vajnu ź Iranam.
Vajna ź Iranam bje pa avijakampanijach i asabliva pa łaŭkostarach, papiaredziŭ kiraŭnik Mižnarodnaj asacyjacyi pavietranaha transpartu (IATA) Uili Uołš. Praz rezki rost cen na hazu i zakryćcio važnych maršrutaŭ avijapieravozčykam davodzicca latać u abchod i nieści dadatkovyja vydatki, paviedamlaje Bild.
«Na žal, ja bajusia, što niekatorym avijakampanijam budzie vielmi ciažka spravicca z takimi vysokimi cenami na paliva», — skazaŭ Uołš na štohadovaj sustrečy IATA ŭ Rya-de-Žaniejra.
Pavodle jaho słoŭ, słabyja hulcy mohuć syści z rynku abo być pahłynutymi bujnymi kankurentami, a častka kampanij pačnie zakryvać stratnyja kirunki. Asabliva ŭraźlivyja biudžetnyja pieravozčyki: jany nie majuć takich krynic dachodu, jak biznes-kłas abo bujnyja prahramy łajalnaści.
Pry hetym Uołš nie ličyć madel łaŭkostaraŭ pravalnaj i pryvodzić u prykład Ryanair, jaki praciahvaje paśpiachova raści ŭ Jeŭropie.
Kanflikt užo surjozna ŭskładniŭ ruch praz Dubaj, Dochu i Abu-Dabi, z-za čaho ciarpiać Emirates, Qatar Airways i Etihad. Dadatkovaj prablemaj dla haliny zastajucca zatrymki pastavak samalotaŭ i ruchavikoŭ u Boeing, Airbus, GE Aerospace i Pratt & Whitney.
Pavodle acenki IATA, zboi ŭ łancužkach pastavak kaštavali avijakampanijam u 2025 hodzie kala 11 miljardaŭ dalaraŭ.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia35
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary