Susied pa pałacie pradaŭ biełaruskamu «vieteranu SVA» aŭtamabil — jak akazałasia, pałamany. A paśla tuju mašynu jašče i skrali
Biełarus kupiŭ aŭtamabil z atrymanaj vypłaty za ranieńnie. Ale mašynu ŭ jaho nachabna adcisnuli.
Varašyłaŭski rajonny sud Vałhahrada ŭ studzieni 2026 hoda asudziŭ miascovaha žychara Antona Sizych za hrabiež: jon pahrozami zavałodaŭ čužym aŭtamabilem. Mašyna naležała mužčynu, jaki raniej byŭ hramadzianinam Biełarusi, a potym pajechaŭ vajavać za Rasiju suprać Ukrainy.
Pavodle materyjałaŭ spravy, paciarpieły ŭładalnik aŭto raniej mieŭ hramadzianstva Biełarusi. Jon padpisaŭ kantrakt ź Ministerstvam abarony Rasii, kab pajechać na vajnu, i za heta atrymaŭ rasijskaje hramadzianstva. Na froncie jon atrymaŭ ciažkaje ranieńnie — niekalki askołačnych.
Mienavita padčas lačeńnia ŭ Vałhahradskim abłasnym špitali vieteranaŭ jon i kupiŭ sabie aŭtamabil. Susied z pałaty, rodam z Čyty, pradavaŭ svaju «Tojotu Karołu» 2008 hoda niedzie za $7000. Biełarus, jaki tolki što atrymaŭ vypłatu za ranieńnie, vyrašyŭ mašynu ŭziać.
Kali kupiŭ, to zrazumieŭ, što susied jaho kinuŭ i pradaŭ aby-što — mašyna adrazu pačała jeści alivu. Tady biełarus addaŭ «Tajotu» aŭtaelektryku na ramont, a sam staŭ šukać, kamu zbyć mašynu. Praź inšaha susieda z pałacie jon vyjšaŭ na čałavieka, jaki zhadziŭsia dapamahčy pradać aŭto. Hetym čałaviekam i byŭ toj samy Anton Sizych.
Dalej, jak ustanaviŭ sud, Sizych pryjechaŭ da aŭtaelektryka, zajaviŭ, što mašynu jon užo nibyta kupiŭ, i zapatrabavaŭ addać jaje. Elektryk admoviŭsia — za ramont jamu zastavalisia vinnyja hrošy. Tady Sizych pad padstavaj pajechać pa hrošy ŭhavaryŭ elektryka sieści ŭ mašynu razam ź im. Pa darozie jon spyniŭ aŭto i pačaŭ adbirać klučy, pahražajučy raspravaj — maŭlaŭ, toj «da ranicy nie dažyvie» i jamu razabjuć tvar. Elektryk, bajučysia za žyćcio, addaŭ klučy. Sizych źjechaŭ na čužoj mašynie.
U toj ža dzień aŭtamabil, jaki ŭžo abjavili ŭ vyšuk, zaŭvažyŭ darožny patrul. Za rulom byŭ Sizych. Jon nastojvaŭ, što ničoha nie kraŭ, a mašynu jamu pieradali dobraachvotna.
Sud hetuju viersiju adchiliŭ. Vinu paćvierdzili pakazańni abodvuch paciarpiełych — uładalnika aŭto i aŭtaelektryka, — pakazańni darožnych inśpiektaraŭ i zapis z kamiery nazirańnia kala doma elektryka, na jakoj vidać, jak Sizych nie daje spynić mašynu i źjazdžaje na joj.
Sizych svaju vinu nie pryznaŭ. Z ulikam taho, što jon recydyvist ź niepahašanaj sudzimaściu, jamu dali try hady dziesiać miesiacaŭ kałonii strohaha režymu.
Aŭtamabil viarnuli biełarusu.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia29
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary
[Zredahavana]
jašče adzin Biełarus nahladzieŭsia cojaŭ, puškina, i navalnaha z duhinym. Nu padmanuć azijaty ciabie, zaŭsiody padmanuć. Nu kali Jany kažuć što nam ŭ EZ budzie horš, a 60% Biełarusaŭ byli ŭ EZ i viedajem što heta impierskaja łuchta, a jany usiarona brešuć ...