Kiraŭnik MZS Ukrainy: Rasii ŭsio adno daviadziecca skončyć vajnu dypłamatyčnym šlacham, ale ŭmovy buduć horšyja
Ministr zamiežnych spraŭ Ukrainy davodzić, jakuju pamyłku robić Pucin, admaŭlajučysia ad pieramirja.
Andrej Sibiha. Fota: AP Photo / Efrem Lukatsky
Ministr zamiežnych spraŭ Ukrainy Andrej Sibiha zajaviŭ, što, admoviŭšysia ad pramych pieramoŭ z prezidentam Uładzimiram Zialenskim, kiraŭnik RF Uładzimir Pucin upuściŭ šaniec vyjści ź niaŭdałaj vajny, i paźniej Rasii daviadziecca pahadzicca na dypłamatyčnaje ŭrehulavańnie na značna horšych umovach.
«Dla rasijan niama dobrych navin. Admoviŭšysia ad prapanovy prezidenta Zialenskaha pra pramyja mirnyja pieramovy, Pucin upuściŭ šaniec vyjści z hetaj pravalnaj vajny.
Situacyja dla Rasii budzie tolki paharšacca. Straty na poli boju buduć dalej raści. Parazy stanuć usio bolš źnievažalnymi. Ekanomika jašče hłybiej pahruzicca ŭ recesiju. Źniknie jašče bolš pracoŭnych miescaŭ, padatki buduć raści, a inflacyja macniej za ŭsio ŭdaryć pa samych uraźlivych płastach nasielnictva.
U Rasii ŭžo niama biaśpiečnych miescaŭ, jakija mahli b paźbiehnuć dalnabojnych sankcyj Ukrainy. Ale ich intensiŭnaść budzie praciahvać raści. Mižnarodny cisk nie asłabnie. Jon budzie tolki ŭzmacniacca. Uklučajučy zamarožvańnie aktyvaŭ, zabarony na pajezdki i niepaźbiežnuju adkaznaść za złačynstvy», — piša Sibiha.
Dypłamat padkreśliŭ, što Pucin nikoli nie dasiahnie svaich metaŭ na poli boju, i «jamu lepš admovicca ad svaich tryźnieńniaŭ pra toje, što Ukraina chutka razvalicca, padtrymka jaje partnioraŭ asłabnie ci cisk na Rasiju źmienšycca».
«Rasii ŭsio adno daviadziecca pahadzicca na dypłamatyčnaje rašeńnie, ale ŭmovy buduć značna horšyja. Admova Pucina ad miru pavinna pryvieści da značnaha ŭzmacnieńnia mižnarodnaha cisku na Rasiju i padtrymki Ukrainy».
Uładzimir Zialenski ŭ adkrytym liście 4 červienia prapanavaŭ Pucinu sustrecca asabista, kab skončyć vajnu.
Pucin skazaŭ, što pračytaŭ adkryty list Zialenskaha i «nie bačyć sensu ŭ praviadzieńni sustrečy».
Kamientary
Viedajecie, ja raniej vystupaŭ za chutčejšaje skančeńnia vajny, było škada ludziej, ale, kali kiraŭnictvu Ukrainy svaich ludiej nie škada i jany hatovy hety košt płacić, to treba pryznać, nam vyhadna, kab vajna praciahvałasia.
Čym bolš vajna praciahvajecca, tym bolš Rasieja niasie strat, tym bolš jana źniasilvaje. Jašče hady try vajny i ŭ ich sapraŭdy pačnucca prablemy, a słabaja Rasieja dla nas heta plus.
Da? Sapraŭdy? A my tut usie dumali, čto ty žadaješ pieramohi Rasiei.