Z pačatku hoda siaredni abjom adhruzak rasijskaj syravoj nafty skłaŭ 3,46 młn baralaŭ u dzień — heta prykładna na 120 tysiač baralaŭ bolš, čym u 2025 hodzie, i bolš, čym siaredniehadovyja pakazčyki za 2022—2024 hady, piša Bloomberg sa spasyłkaj na danyja pa tankiernych pieravozkach.
Rost abjomaŭ ekspartu, na dumku ahienctva, źviazany z ukrainskimi atakami na rasijskija NPZ. U kancy maja Reuters pisaŭ, što amal usie bujnyja naftapierapracoŭčyja zavody ŭ centralnaj Rasii byli vymušanyja spynić abo skaracić vytvorčaść paśla ŭdaraŭ ukrainskich bieśpiłotnikaŭ. Z-za atak na NPZ rasijskija naftavyja kampanii sutykajucca ź ciažkaściami ŭ pierapracoŭcy syravoj nafty i bolš aktyŭna pradajuć jaje za miažu.
Abjom rasijskaj nafty, što znachodzicca na tankierach u mory, dasiahnuŭ 124 młn baralaŭ, piša Rasijskaja słužba Radyjo Svaboda.
Pavodle danych adsočvańnia tankiernych pieravozak, amal usia hetaja nafta zaraz znachodzicca ŭ darozie, a nie prosta staić u mory. Siarod aktyŭnych pakupnikoŭ rasijskich naftapraduktaŭ — Indyja, jakaja ŭ mai pavialičyła zakupki rasijskaj syravoj nafty na 63% u paraŭnańni z pakazčykami lutaha. Heta adbyłosia na fonie asłableńnia amierykanskich abmiežavańniaŭ na kuplu rasijskaj nafty.
Z-za vajennaha kanfliktu na Blizkim Uschodzie i rostu suśvietnych cen na naftu Rasija rezka pavialičyła svaje dachody ad ekspartu nafty. Kali ŭ pačatku 2026 hoda Maskva zarablała na prodažy nafty kala 1—1,2 młrd dalaraŭ u tydzień, to da maja hety pakazčyk vyras da 2—2,5 młrd dalaraŭ u tydzień, vynikaje z padlikaŭ Bloomberg.
Heta maksimalnyja značeńni z pačatku poŭnamaštabnaj vajny va Ukrainie.
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary