Dom Andreja Makareviča ŭ Izraili paškodžany ŭ vyniku iranskaha rakietnaha ŭdaru
Siamja muzyki padčas ataki viartałasia z haściej — mały doŭha nie chacieŭ sychodzić.
Dom i prysiadzibny ŭčastak 72‑hadovaha lidara hurta «Mašyna času» Andreja Makareviča i jaho 42‑hadovaj žonki Ejnat Klajn paciarpieli padčas načnoj rakietnaj ataki.
Siamja pražyvaje ŭ vioscy niepadalok ad Chajfy, kudy i ŭpali abłomki źbitaj rakiety. U vyniku padzieńnia askiepkaŭ u dziciačym pakoi vybiła šybu, a ŭvieś sad byŭ zasypany askiepkami mietału.
«Učora byŭ vydatny dzień. Tamu što, niahledziačy na razbureńni, try miescy ŭzharańnia i jašče Boh viedaje što, usie cełyja, žyvyja i navat nie nadta napałochanyja. Bo padziei mahli raźvivacca pa zusim inšym scenary, i pisała b ja ciapier zusim inšy post, kali b naohuł mahła pisać», — napisała Ejnat Klajn.
Pavodle jaje słoŭ, iranski abstreł zastaŭ ich siamju, kali jany viartalisia dadomu z haściej. Jany zatrymalisia tam, bo mały nie chacieŭ sychodzić.
Žonka muzyki napisała, što im pryjšłosia praciahły čas nazirać za pracaj u ich ekstrannych słužbaŭ.
«Uvohule, va ŭsim treba bačyć pazityŭ: u hości schadzili! Na traŭcy palažali! Na vielizarnyja pažarnyja, palicejskija, chutkija mašyny pahladzieli — kajf!» — žartuje jana.
Iran nanios masavanyja rakietnyja ŭdary pa terytoryi Izraila ŭ noč na paniadziełak. Hetaja ataka stała adkazam Tehierana na papiarednija abstreły livanskaha Biejruta z boku Armii abarony Izraila.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary
Kali nie biełarus, to i pucin z łukoj na jaho.