Дом Андрэя Макарэвіча ў Ізраілі пашкоджаны ў выніку іранскага ракетнага ўдару
Сям’я музыкі падчас атакі вярталася з гасцей — малы доўга не хацеў сыходзіць.
Дом і прысядзібны ўчастак 72‑гадовага лідара гурта «Машына часу» Андрэя Макарэвіча і яго 42‑гадовай жонкі Эйнат Кляйн пацярпелі падчас начной ракетнай атакі.
Сям'я пражывае ў вёсцы непадалёк ад Хайфы, куды і ўпалі абломкі збітай ракеты. У выніку падзення аскепкаў у дзіцячым пакоі выбіла шыбу, а ўвесь сад быў засыпаны аскепкамі металу.
«Учора быў выдатны дзень. Таму што, нягледзячы на разбурэнні, тры месцы ўзгарання і яшчэ Бог ведае што, усе цэлыя, жывыя і нават не надта напалоханыя. Бо падзеі маглі развівацца па зусім іншым сцэнары, і пісала б я цяпер зусім іншы пост, калі б наогул магла пісаць», — напісала Эйнат Кляйн.
Паводле яе слоў, іранскі абстрэл застаў іх сям'ю, калі яны вярталіся дадому з гасцей. Яны затрымаліся там, бо малы не хацеў сыходзіць.
Жонка музыкі напісала, што ім прыйшлося працяглы час назіраць за працай у іх экстранных службаў.
«Увогуле, ва ўсім трэба бачыць пазітыў: у госці схадзілі! На траўцы паляжалі! На велізарныя пажарныя, паліцэйскія, хуткія машыны паглядзелі — кайф!» — жартуе яна.
Іран нанёс масаваныя ракетныя ўдары па тэрыторыі Ізраіля ў ноч на панядзелак. Гэтая атака стала адказам Тэгерана на папярэднія абстрэлы ліванскага Бейрута з боку Арміі абароны Ізраіля.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы3
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары
Калі не беларус, то і пуцін з лукой на яго.