Sustreča lidaraŭ Vialikabrytanii, Francyi, Hiermanii i Ukrainy ŭ Łondanie zaviaršyłasia hučnaj sumiesnaj zajavaj. Frydrych Mierc, Kir Starmier, Emanuel Makron i Uładzimir Zialenski dakładna akreślili: Jeŭropa pavinna brać «aktyŭny ŭdzieł» u lubych budučych pieramovach pamiž Kijevam i Maskvoj, a sam tryvały mir mahčymy tolki pry vykanańni piaci ćviordych umoŭ.
Sumiesnaja zajava była apublikavanaja na sajcie brytanskaha ŭrada ŭ niadzielu, 7 červienia 2026 hoda.
Padčas sustrečy abmiarkoŭvałasia ŭzmacnieńnie cisku na rasijskuju ekanomiku, pavieličeńnie vajennaj dapamohi Ukrainie, a taksama supolnaja vytvorčaść rakiet dla supraćpavietranaj abarony i dalnabojnych udaraŭ.
Piać umoŭ dla tryvałaha miru va Ukrainie
Lidary «jeŭratrojki» i Zialenski vyznačyli piać umoŭ dla dasiahnieńnia spraviadlivaha i tryvałaha miru.
Spynieńnie bajavych dziejańniaŭ.
Ciapierašniaja linija sutyknieńnia pavinna stać zychodnym punktam dla pieramoŭ. Pry hetym mižnarodnyja miežy nie pavinny źmianiacca siłaj, a suvierennaje prava Ukrainy samastojna vybirać sajuzy i miechanizmy biaśpieki pavinna niaŭchilna vykonvacca.
Abaviazkovyja harantyi biaśpieki. Paśla ŭstupleńnia ŭ siłu režymu spynieńnia ahniu Ukraina pavinna atrymać harantyi biaśpieki, jakija ŭklučajuć razhortvańnie šmatnacyjanalnych sił na jaje terytoryi.
Zamarozka rasijskich aktyvaŭ. Jany zastanucca zabłakavanymi da taho času, pakul Rasija nie spynić ahresiŭnuju vajnu i nie kampiensuje straty, naniesienyja Ukrainie.
Abarona intaresaŭ jeŭrapiejskaj biaśpieki. Lubyja damoŭlenaści pavinny harantavać biaśpieku Jeŭropy, a častka pieramoŭ, jakaja tyčycca ES i NATA, zapatrabuje zhody krain-členaŭ hetych arhanizacyj.
Prapanova Zialenskaha Pucinu i adkaz Kramla
Uviečary 4 červienia Uładzimir Zialenski apublikavaŭ adkryty list da Uładzimira Pucina z prapanovaj vyznačyć dakładnuju datu asabistaj sustrečy dla zakančeńnia vajny, adznačyŭšy, što da pracesu mohuć dałučycca Jeŭropa i ZŠA.
Užo na nastupny dzień Pucin zajaviŭ, što pakul nie bačyć sens u takoj sustrečy, nazvaŭ list «chamskim» i zaklikaŭ rasijskich vajskoŭcaŭ praciahvać bajavyja dziejańni da «dasiahnieńnia pastaŭlenych met».
Ciapier čytajuć
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju1
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1212
Kamientary
Pa łohicy spačatku treba było vystavić umovy dla miru i pravieści pieramovy.
A jakija pieramovy paśla admovy ad pieramoŭ adnaho boku? I jakija 5 umoŭ dla miru, kali pieramoŭ nie budzie?
Usio z noh na hałavu pastavili.