U Biełarusi prapanujuć zabaranić akazańnie pasłuh łaźniaŭ, saŭnaŭ i arhanizacyju zabaŭlalnych mierapryjemstvaŭ na dačnych učastkach u sadovych tavarystvach. Adpaviedny prajekt ukaza «Ab udaskanaleńni dziejnaści sadavodčych tavarystvaŭ» padrychtavała Ministerstva ekanomiki i vyniesła jaho na hramadskaje abmierkavańnie, jakoje praciahniecca da 18 červienia.
U viedamstvie ličać, što zdača dačnych damkoŭ razam z łaźniami, altankami i zonami adpačynku faktyčna źjaŭlajecca dziejnaściu ŭ śfiery ahraekaturyzmu. Pavodle dziejnych pravił, takija pasłuhi dazvalajecca akazvać tolki ŭ nasielenych punktach.
Kali prapanavanyja źmieny buduć pryniatyja, na ziemlach, pryznačanych dla kalektyŭnaha sadavodstva i dačnaha budaŭnictva, nielha budzie arhanizoŭvać kamiercyjnyja pasłuhi łaźniaŭ i saŭnaŭ, a taksama pravodzić zabaŭlalnyja, spartyŭnyja i kulturna-masavyja mierapryjemstvy.
Ułady tłumačać prapanavanyja abmiežavańni tym, što sadovyja tavarystvy pieršapačatkova stvaralisia dla kalektyŭnaha sadavodstva i aharodnictva, a nie dla viadzieńnia biznesu. Jašče adnoj pryčynaj nazyvajucca šmatlikija skarhi dačnikaŭ na šumnyja kampanii, hučnuju muzyku, viečarynki i kryki, jakija pieraškadžajuć susiedziam adpačyvać.
Prajekt źmianieńniaŭ praduhledžvaje i inšyja navinki. U pryvatnaści, płanujecca spraścić pieradaču elektrasietak u dziaržaŭnuju ŭłasnaść. Dla budaŭnictva abo ramontu linij elektrazabieśpiačeńnia bolš nie spatrebicca vyklučać adpaviednyja ziamielnyja ŭčastki z ułasnaści hramadzian, jak heta patrabavałasia raniej.
Akramia taho, prapanujecca źmianić paradak pryniaćcia rašeńniaŭ ab uklučeńni terytoryi sadovaha tavarystva ŭ miežy nasielenaha punkta abo ab nadańni samomu tavarystvu statusu nasielenaha punkta. Kali ciapier dla hetaha nieabchodnaja zhoda ŭsich členaŭ tavarystva, to ŭ budučyni moža chapić padtrymki nie mienš jak dźviuch tracin ułaśnikaŭ učastkaŭ.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy2
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary
nu pieršapačatkova da, ale časy źmianiajucca, i niešta moža transfarmavacca ci źmianiać svajo pryznačeńnie, nie? aharodnictva jept
Hurki raścicie, chalalnyja. Kab valutu ŭ krainu zdabyvać.