U Iŭjeŭskim rajonie ŭnačy zhareła ahrasiadziba. Niedakurak kinuŭ sam haspadar
U ahrasiadzibie ŭ vioscy Jahadzień Iŭjeŭskaha rajona nočču na 2 krasavika adbyŭsia mocny pažar, u vyniku jakoha zhareli haściavy dom, łaźnia i haspadarčaja pabudova, paviedamlaje pres-słužba MNS Hrodzienskaj vobłaści.
Kali ratavalniki prybyli na miesca, usie try budynki, što stajali niedaloka adzin ad adnaho, užo byli achoplenyja ahniom. Na momant pažaru na terytoryi ahrasiadziby nikoha nie było.
Pavodle papiaredniaj infarmacyi, napiaredadni haspadar prybiraŭsia ŭ dvary i kuryŭ. Miarkujecca, što jon vypadkova pakinuŭ niepatušany niedakurak u haspadarčaj pabudovie. Paśla hetaha jon pajechaŭ, a ŭžo ŭnačy ludzi zaŭvažyli pažar i vyklikali MNS.
U vyniku ahoń całkam źniščyŭ łaźniu i haspadarčuju pabudovu, a ŭ haściavym domie zhareli dach, pierakryćci i majomaść, ale taksama byli paškodžany ścieny.
Pryčyna pažaru dakładna jašče ŭstanaŭlivajecca, ale asnoŭnaj viersijaj ličycca nieaściarožnaje abychodžańnie z ahniom pry kureńni.
Kamientary