Nievialiki šatłandski vostraŭ tak razrekłamavali, što jon zakryvajecca ad turystaŭ
Nievialiki šatłandski vostraŭ Ałva z archipiełaha Unutranyja Hiebrydy, dzie pastajanna žyvuć usiaho 16 čałaviek, sutyknuŭsia ź niečakanym napłyvam turystaŭ paśla taho, jak byŭ pakazany ŭ teleprahramie Bi-bi-si pra žyćcio na im, paviedamlaje Euronews.
Cikavaść da Ałvy akazałasia nastolki vialikaj, što miascovyja žychary i servisy nie paśpiavajuć absłuhoŭvać usich naviedvalnikaŭ. Asabliva mocna ŭzrasła nahruzka na paromnuju pierapravu i miascovy restaran.
U vyniku žychary vyrašyli na letni siezon zakryvać vostraŭ dla adnadzionnych naviedvalnikaŭ pa niadzielach. U hety dzień parom dla piešachodaŭ pamiž Ałvaj i susiednim vostravam Mał pracavać nie budzie. Takim čynam miascovaja supolnaść spadziajecca atrymać čas na adpačynak i padrychtoŭku da novaha tydnia.
Pry hetym turysty, jakija zahadzia zabraniravali adpačynak na vostravie i pavinny prybyć u niadzielu, usio adno zmohuć skarystacca pierapravaj.
Ałva pryciahvaje ludziej svajoj niekranutaj pryrodaj, adsutnaściu asfaltavanych daroh i bahatym žyviolnym śvietam. U prybiarežnych vodach možna ŭbačyć ciuleniaŭ, vydraŭ i delfinaŭ.
Z 2018 hoda vostraŭ naležyć miascovaj supolnaści. Na momant jahonaj kupli tam žyli tolki šeść čałaviek. Novyja ŭładalniki imknulisia raźvivać miascovuju ekanomiku i pavialičyć kolkaść žycharoŭ. Siońnia nasielnictva vostrava vyrasła da šasnaccaci čałaviek, ale razam z hetym pryjšła i niečakanaja prablema — zanadta vialikaja kolkaść turystaŭ.
Jak luboŭ da katoŭ u Japonii pieratvaryłasia ŭ miljardnuju industryju
«Nie bačyła nivodnaha smažanaha sabaki». Biełaruska raskazała, jak adpačyła ŭ Vjetnamie
Try turysty zahinuli ŭ Indaniezii padčas vyviaržeńnia vułkana, 20 prapali bieź viestak
Biełarusy za 10 hadoŭ abjechali ŭsie rajony krainy. A ciapier jany padzialilisia paradami, pamyłkami i skłali šeść maršrutaŭ dla pačatkoŭcaŭ
Kamientary