Ministr abarony Litvy pra list Zialenskaha: Naiŭna čakać, što Pucin prosta voźmie i adstupić
Paśla taho, jak Uładzimir Zialenski napisaŭ list Uładzimiru Pucinu, ministr nacyjanalnaj abarony Litvy Robiertas Kaŭnas zajaviŭ pra imknieńnie da ŭstanaŭleńnia spraviadlivaha miru. Adnak ministr adznačyŭ, što naiŭna čakać, što Pucin tak prosta voźmie i adstupić, piša Delfi.lt.
«Mabyć, usie my spadziajemsia i chočam, kab u kancy kancy pieramoh spraviadlivy mir. Spraviadlivy mir — heta poŭny vyvad rasijskich vojsk z akupavanych terytoryj Ukrainy, uklučajučy Krym. I kožny krok, jaki pakazvaje rasijanam, što heta vajna, jakuju jany raspačali, i što ŭsie nastupstvy, usio pieražytaje, hibiel ukraincaŭ — vyklučna ich vina, ja dumaju, zasłuhoŭvaje adabreńnia», — zajaviŭ Kaŭnas žurnalistam u palihonie ŭ Rudninkaj u piatnicu.
Razvažajučy pra toje, ci dasiahnie list Zialenskaha žadanaha efiektu, ministr nacyjanalnaj abarony adznačyŭ, što, vierahodna, naiŭna čakać, što Pucin prosta voźmie i adstupić.
Pavodle jaho słoŭ, mižnarodnaja supolnaść pavinna jašče bolš zasiarodzicca na padtrymcy Ukrainy i akazvać joj bolš rašučuju dapamohu praz pastaŭki zbroi dla ŭzmacnieńnia pieravahi krainy, što abaraniajecca ad Rasii.
U čaćvier u adkrytym liście Zialenski prapanavaŭ Pucinu sustrecca asabista i zajaviŭ pra hatoŭnaść da «poŭnaha pieramirja». Hety list — adzin ź niamnohich vypadkaŭ, kali Zialenski źviartaŭsia niepasredna da Pucina z pačatku poŭnamaštabnaha ŭvarvańnia Rasii ŭ 2022 hodzie.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary