Na ANT prahučali słovy, nad jakimi varta zadumacca.
Čałavieka ŭ pahonach dziaržava rychtuje dla taho, kab u vypadku nieabchodnaści jon pamior na karyść Radzimy. Takija słovy prahučali ŭ prahramie prapahandysta Ihara Tura.
Nie padumajcie, ja nie pierabolšvaju. Tak dasłoŭna i prahučała: «umier na błaho rodiny».
I treba ž jak supała. Amal u toj ža dzień, kali Tur heta skazaŭ, amierykancy vyciahnuli ź iranskich hor dvuch piłotaŭ źbitaha samalota. Im dziela hetaha daviałosia źniščyć jak minimum dva transpartnyja samaloty, na jakich zakidvalisia śpiecnaz i abstalavańnie dla pošuku źbitych lotčykaŭ. Padarvali i samo abstalavańnie, kab nie trapiła ŭ ruki voraha — toje, što nielha było vyvieźci. Patracili i sotniu rakiet, kab zaścierahčy pierymietr; stracili dva viertaloty. Pišuć, što ahulny košt vydatkavanych na ratavalnuju apieracyju srodkaŭ moh skłaści za 300 miljonaŭ dołaraŭ. Dziela dvuch piłotaŭ.
I heta nie pra bahaćcie krainy. Heta pra fiłasofiju sistemy.
A ŭ nas: «Dziaržava rychtuje, kab ja pamior na karyść radzimy».
U vyniku tyja, chto abaraniaje hetuju sistemu, urešcie płaciać strašnuju canu, daražej za ŭsich (słabaje, praŭda, to suciašeńnie dla ich achviar). Praź lutaść, nialudskaść — až da biessensoŭnaści — hetaj sistemy. Tak było pry Stalinie, tak było niadaŭna padčas kavidu, jakoha «nie było», ale ad jakoha ŭ Biełarusi ŭ ziamlu pajšli 90 tysiač čałaviek. Chto nie vieryŭ Dziedu — toj abierahaŭsia. A chto vieryŭ… I tak ciapier u Rasii, dzie na impieryjalistyčnaj vajnie pakłali ŭžo 300 tysiač i jašče 300 tysiač zrabili kalekami. A ŭsio dziela čaho?
-
«Bolšaja častka siadzić sumlenna, ale cicha». Pavieł Vinahradaŭ pra palitviaźniaŭ, čyje proźviščy nieviadomyja
-
Polski dypłamat raskazaŭ, jak Łukašenka ŭmieje «ačaroŭvać surazmoŭcaŭ» i chto robicca jahonymi achviarami
-
«Dyk što vam jašče treba, šanoŭnyja kiraŭniki EHU?» Sieviaryniec zaklikaŭ biełarusizavać univiersitet, pakul nie pozna
Kamientary