Orban razhromna prajhraŭ vybary ŭ Vienhryi. Apazicyja atrymała kanstytucyjnuju bolšaść u parłamiencie
U Vienhryi prajšli parłamienckija vybary. Asnoŭnaja intryha była ŭ tym, ci ŭtrymajecca Viktar Orban i jaho partyja «Fides». U realnaści jaho čakaŭ pravał.
Jaŭka na vybarach stała rekordnaj za ŭsiu historyju krainy i pieravysiła 77%.
Pa vynikach padliku 92% hałasoŭ prajeŭrapiejskaja partyja «Cisa» moža raźličvać na kanstytucyjnuju bolšaść — 69,3% mandataŭ u parłamiencie.
Na našych vačach samaja prarasijskaja i adnačasova trampisckaja siła Jeŭrasajuza ciarpić razhromnuju parazu. Orban sam zrabiŭ hetyja vybary faktyčnym refierendumam pra cyvilizacyjny vybar Vienhryi i jaje budučyniu ŭ ES, i Orban jaho z treskam prajhraŭ.
I vizit vice-prezidenta ZŠA, i zakliki Trampa jamu nie dapamahli.
Biełarusam istotna toje, što Orban byŭ ruparam toj płyni na Zachadzie, jakaja zaklikała achviaravać samastojnaściu Ukrainy (a značyć, i Biełarusi) dziela atrymańnia vyhad ad Maskvy, jakaja prapanoŭvała raźmianiać Ukrainu na łasku Maskvy, na tannyja rasijskija enierharesursy. I hetaja płyń prajhrała. Ukraincy mohuć uzdychnuć z palohkaju. Ale nie mienš važna, što hetyja vybary pakazali abmiežavanaść ryčahoŭ upłyvu Maskvy i Vašynhtona na jeŭrapiejskija spravy.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary