Tramp zahadaŭ błakavać kožny karabiel, jaki sprabuje ŭvajści ŭ Armuzski praliŭ abo vyjści ź jaho.
Vajenna-marskija siły ZŠA buduć błakavać usie sudny, jakija ŭvachodziać ci vychodziać z Armuzskaha pralivu. Pra heta zajaviŭ prezident ZŠA Donald Tramp.
«Sustreča [u Isłamabadzie] prajšła dobra, pa bolšaści punktaŭ była dasiahnuta zhoda, ale adziny punkt, jaki sapraŭdy mieŭ značeńnie — JADZIERNY — nie byŭ uzhodnieny. Sapraŭdnym zahadvaju Vajenna-marskim siłam Złučanych Štataŭ, najlepšym u śviecie, pačać praces BŁAKADY lubych i kožnaha karabla, jaki sprabuje ŭvajści ŭ Armuzski praliŭ abo vyjści ź jaho. U peŭny momant my piarojdziem da pryncypu «USIM DAZVOLENA ŬVACHODZIĆ, USIM DAZVOLENA VYCHODZIĆ», ale Iran nie dazvoliŭ hetamu zdarycca, prosta zajaviŭšy: «Niedzie tam moža być mina», pra jakuju nichto nie viedaje, akramia ich. HETA SUŚVIETNY ŠANTAŽ, a lidary krain, asabliva Złučanych Štataŭ Amieryki, nikoli nie dazvolać siabie šantažavać.
Ja taksama daručyŭ našym VMS šukać i zatrymlivać kožnaje sudna ŭ mižnarodnych vodach, jakoje zapłaciła pošlinu Iranu. Nichto z tych, chto płacić niezakonnuju pošlinu, nie budzie mieć biaśpiečnaha prachodu ŭ adkrytym mory.
My taksama pačniem źniščać miny, jakija irancy zakłali ŭ pralivach. Luby iraniec, jaki adkryje ahoń pa nas ci pa mirnych sudnach, budzie ADPRAŬLENY PROSTA Ŭ PIEKŁA!» — napisaŭ Tramp u svajoj sacsietcy Truth Social.
Jon dadaŭ, što błakada pačniecca ŭ bližejšy čas.
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary