Łukašenku pieradali list, napisany im jašče ŭ maładości. Što tam?
Alaksandru Łukašenku ŭ Škłoŭskim rajonie pieradali list, napisany im u hady, kali jon bałatavaŭsia ŭ deputaty. Vyhladaje, heta abiacańni Łukašenki vybarščykam. Jak jon vykanaŭ ich?
List Łukašenku pieradaŭ staršynia Škłoŭskaha rajvykankama Siarhiej Bartaš. List byŭ napisany ŭ tyja hady, kali Alaksandr Łukašenka ŭznačalvaŭ saŭhas «Haradziec».
«Vy pisali pra toje, što ŭvasobili ŭ žyćcio: zachavać vioski i nasielenyja punkty, dać roŭnyja ŭmovy haradskim i sielskim žycharam… My nie viedajem, byŭ jon nadrukavany ŭ rajonnaj haziecie ci nie. Ale my znajšli jaho ŭ archivie», — skazaŭ Siarhiej Bartaš.
«Ja pračytaju. Naŭrad ci jon byŭ apublikavany. U nas byli składanyja adnosiny z partyjnymi orhanami», — adkazaŭ Łukašenka i padziakavaŭ staršyni Škłoŭskaha rajvykankama.
Ci vykanaŭ jon abiacańni?
Jak padličyła «Lusterka», za apošnija 30 hadoŭ z karty Biełarusi źnikła amal 1700 nasielenych punktaŭ, a mnohija pakul jašče nibyta isnujuć — ale ŭžo zusim biez žycharoŭ. U siarednim kožny sa 118 rajonaŭ našaj krainy kančatkova straciŭ užo 14 viosak.
U pieryjad kiravańnia Alaksandra Łukašenki źnikajuć navat tyja nasielenyja punkty, jakija zmahli adnavicca paśla źniščeńnia nacystami ŭ hady Druhoj suśvietnaj vajny.
Pa padlikach žurnalistaŭ, u siarednim kožny tydzień znachodžańnia Łukašenki va ŭładzie ŭ Biełarusi źnikaje adna vioska.
Jašče ličby pra zachavanaść vioski i roŭnaść z horadam (danyja na 2024 hod)
Za 30 hadoŭ sielskaje nasielnictva skaraciłasia na 1,3 młn čałaviek (z 3,2 młn da 1,9 młn). Usie vioski krainy razam uziatyja naličvajuć mienš ludziej, čym adzin Minsk.
Śmiarotnaść na vioscy ŭ try razy pieravyšaje naradžalnaść.
Dola ludziej za miažoj biednaści ŭ vioscy ŭ dva razy vyšejšaja, čym u horadzie (6% suprać 2,9%).
Siaredniaja sielskaja siamja maje na 20% mienš resursaŭ, čym haradskaja.
Haračuju vadu majuć mienš za pałovu sielskich damoŭ (47%), a ŭ Viciebskaj vobłaści — tolki 24%.
Siaredni viaskoviec žyvie na 4 hady mienš, čym haradžanin (71,7 hoda suprać 75,7 hoda).
Tolki za 5 hadoŭ — z 2019 pa 2024 hod — na vioscy zakryta 178 dziciačych sadoŭ i 161 škoła.
Sadki naviedvajuć tolki 58% viaskovych dziaciej (u horadzie — 96%).
Kolkaść kram na vioscy skaračajecca na 100—250 abjektaŭ štohod. Dola sielskaj miascovaści ŭ tavaraabarocie ŭpała da minimalnych 13,4%.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA58
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny55
Kamientary