Na Bali zabaranili pazašlubny seks. Za parušeńnie — turemnyja terminy
Z 2 studzienia ŭ Indaniezii pačaŭ dziejničać novy Kryminalny kodeks, jaki byŭ pryniaty jašče ŭ 2022 hodzie i zamianiŭ normy kałanijalnych časoŭ. Adna z hałoŭnych źmienaŭ — pryznańnie złačynstvam seksualnych adnosin pa-za aficyjnym šlubam, a taksama sumiesnaha pražyvańnia biez rehistracyi šlubu.
Kryminalnaja adkaznaść za pałavyja adnosiny pa-za šlubam u Indaniezii prynamsi tearetyčna raspaŭsiudžvajecca nie tolki na hramadzian krainy, ale i na inšaziemcaŭ, u tym liku tych, jakija adpačyvajuć na papularnym kurortnym vostravie Bali. Nijakaha asablivaha statusa dla jaho ŭ zakonie nie praduhledžana.
Što da pakarańnia, to za takija dziejańni abvinavačanym moža pahražać da adnaho hoda pazbaŭleńnia voli, a za sužyćcio — da šaści miesiacaŭ. Adnak sprava moža być raspačataja tolki pa zajavie muža ci žonki, baćkoŭ abo dziaciej adnaho z udzielnikaŭ, i heta praviła taksama dziejničaje ŭ dačynieńni da zamiežnych turystaŭ.
Akramia taho, novy kodeks praduhledžvaje pakarańnie za bluźnierstva, abrazy prezidenta i dziaržaŭnych instytutaŭ, a taksama za raspaŭsiudžvańnie ideałohij, što supiarečać dziaržaŭnaj daktrynie. Pravaabaroncy krytykujuć dakumient za nievyraznyja farmuloŭki i pahrozu hramadzianskim svabodam, u toj čas jak ułady zajaŭlajuć, što zakon adpaviadaje sučasnym kulturnym i pravavym normam Indaniezii.
Indaniezija — pieravažna musulmanskaja kraina, isłam u joj vyznajuć, pavodle acenak, amal 90% z pryblizna 270‑miljonnaha nasielnictva. Jana ličycca najbujniejšaj musulmanskaj krainaj u śviecie.
U stalicy Indaniezii aficyjna zabaroniać prodaž i ŭžyvańnie sabačaha i kašečaha miasa
«Čytała, što vašy chłopcy — supiermieny». Biełarus palacieŭ u Indanieziju i tam paznajomiŭsia z žonkaj
20‑hadovaj ukraincy pahražaje śmiarotnaje pakarańnie na Bali. Šukajuć jaje i na radzimie
Jak pajechać u ekzatyčnaje padarožža i nie zachvareć?
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2020
Kamientary