Na Bali vykrali i zabili syna ŭkrainskaha kryminalnaha biznesmiena. Za jaho žyćcio patrabavali $10 miljonaŭ
28‑hadovaha hramadzianina Ukrainy Ihara Kamarova vykrali jašče ŭ siaredzinie lutaha. U kancy miesiaca na adnym ź miascovych plažaŭ znajšli asobnyja častki cieła nieviadomaha. Analiz DNK paćvierdziŭ, što pareštki naležać mienavita jamu.
Ihar Kamaroŭ źnik 15 lutaha. U toj dzień jon razam ź siabrami kataŭsia na matacykłach u rajonie Džymbaran na poŭdni Bali. U niejki momant darohu im pieraharadziła hrupa ludziej na aŭtamabili i matacykłach. Kamarova schapili i siłaj vyvieźli.
Pavodle paviedamleńniaŭ ŚMI, razam ź im byŭ jašče adzin ukrainiec — Jarmak Piatroŭski. Ale jamu nibyta ŭdałosia ŭciačy padčas napadu.
Praź niekalki dzion paśla vykradańnia ŭ internecie źjaviłasia videa z Kamarovym. Na roliku mocna źbity chłopiec prasiŭ baćkoŭ zapłacić 10 miljonaŭ dalaraŭ vykupu.
Na videa mužčyna śćviardžaŭ, što jaho katujuć. U niekatorych paviedamleńniach śćviardžałasia, što vykradalniki adrezali jamu niekalki palcaŭ, kab prymusić rodnych zapłacić hrošy.
U sacyjalnych sietkach i ŭ šerahu miedyja źjaviłasia infarmacyja, što za vykradańniem mohuć stajać čačency, źviazanyja z kryminalnymi strukturami.
Aficyjna paviedamlajecca, što Kamaroŭ i Piatroŭski — syny viadomych u Dniapry biznesmienaŭ. U toj ža čas u niekatorych miedyja ich baćkoŭ niebiespadstaŭna nazyvali kryminalnymi aŭtarytetami.
Niekatoryja ŚMI pisali, što abodva mužčyny mohuć mieć dačynieńnie da dziejnaści machlarskich koł-centraŭ u Dniapry, jakija pracujuć suprać hramadzian Rasii.
26 lutaha na plažy Kietevieł u akruzie Hiańjar na ŭschodnim uźbiarežžy Bali miascovyja žychary znajšli čałaviečyja pareštki — hałavu, častki tułava, ruki i nohi. Cieła znachodziłasia ŭ stanie mocnaha raskładańnia. Ekśpiertyza pakazała, što śmierć nastupiła prykładna za try dni da znachodki. Vizualna vyznačyć asobu było niemahčyma.
Pareštki dastavili ŭ balnicu, paśla čaho śledčyja nakiravali ŭzory kostak u Nacyjanalny centr kryminalistyčnaj ekśpiertyzy ŭ Džakarcie. Indaniezijskaja palicyja supracoŭničała z ukrainskim konsulstvam i ŭziała hienietyčny ŭzor u maci Kamarova, kab paraŭnać jaho z DNK znojdzienych pareštkaŭ.
4 sakavika pradstaŭnik palicyi paviedamiŭ, što ŭzory kaściavoj tkanki całkam supali z DNK baćkoŭ Ihara Kamarova.
Padčas rasśledavańnia palicyja taksama znajšła ślady kryvi na vile ŭ akruzie Tabanan i ŭ aŭtamabili Toyota Avanza, jaki, jak miarkujecca, vykarystoŭvali vykradalniki. Hienietyčnaja ekśpiertyza pakazała, što jany supadajuć z DNK maci Kamarova. Heta dazvoliła śledčym vykazać zdahadku, što mužčynu mahli ŭtrymlivać na vile pierad śmierciu i pieravozić u hetym aŭtamabili.
Indaniezijskaja palicyja paviedamiła, što pa spravie ŭžo zatrymany adzin padazravany — mužčyna ź inicyjałam C, jakoha aryštavali ŭ pravincyi Zachodniaja Nusa-Tenhara. Pavodle śledstva, jon arandavaŭ aŭtamabil pa padroblenym pašparcie. Mienavita hetaja mašyna, jak miarkujecca, była vykarystana padčas vykradańnia.
Sam zatrymany śćviardžaje, što nie viedaŭ pra złačynnyja namiery i nibyta prosta arandavaŭ aŭto pa prośbie inšych ludziej za ŭznaharodu ŭ 6 miljonaŭ indaniezijskich rupij (kala 350 dalaraŭ).
Jašče šeść zamiežnych hramadzian nazvanyja padazravanymi. Ich paznačyli inicyjałami RM, VK, AS, VN, SM i DH. Ich abviaścili ŭ mižnarodny vyšuk, a indaniezijskaja palicyja źviarnułasia da Interpała z prośbaj vydać čyrvonyja ordary na ich aryšt.
Pavodle śledstva, čatyry padazravanyja ŭžo pakinuli Bali, jašče dvoje mohuć znachodzicca na terytoryi Indaniezii.
Palicyja adznačaje, što rasśledavańnie praciahvajecca. Śledčyja sprabujuć vyznačyć rolu kožnaha z padazravanych i vyśvietlić dakładny matyŭ vykradańnia i zabojstva.
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary