Na dnie 2000‑hadovaha kałodzieža ŭ Šatłandyi znajšli čałaviečyja pareštki
U Šatłandyi archieołahi znajšli čałaviečy škilet, naŭmysna źmieščany na dno staražytnaha kałodzieža. Daśledčyki miarkujuć, što pachavańnie mahło być častkaj niejkaha rytuału žaleznaha vieku, piša vydańnie Independent.
Sam kałodziež maje prykładna 3 mietry ŭ daŭžyniu i kala mietra ŭ hłybiniu. Jaho ścieny i dno byli vykładzienyja kamiennymi plitami, a pamiž imi vykarystoŭvaŭsia hlinisty rastvor. Kanstrukcyja mieła kamiennuju padłohu, vialikija vałuny i śpiecyjalnyja prystupki dla ŭvachodu.
Pa słovach archieołahaŭ, pieršapačatkova zbudavańnie, vierahodna, vykarystoŭvałasia dla zachoŭvańnia vady. Pra heta śviedčyć, u pryvatnaści, hlinisty rastvor na nižnich uzroŭniach, jaki moh zabiaśpiečvać vodaniepranikalnaść.
Paźniej studnia była zakinutaja i mahła atrymać inšaje, rytualnaje pryznačeńnie. Pra heta śviedčyć i toje, što ŭvachod u jaje byŭ pierakryty, a ŭnutry razam z čałaviečymi pareštkami znajšli vialikuju kolkaść kostak žyvioł.
Škilet čałavieka byŭ nakryty materyjałam ź vialikim utrymańniem draŭnianaha vuhalu. Daśledčyki ličać, što heta taksama moža być źviazana z momantam, kali zbudavańnie pierastała vykarystoŭvacca jak krynica vady.
Pobač sa studniaj archieołahi znajšli frahmient słancavaha branzaleta i raźbituju steatytavuju čašu. Hetyja znachodki adnosiać da žaleznaha vieku i jany dapamahajuć datavać zbudavańnie.
Pachavańni ludziej u takich abjektach na poŭnačy Šatłandyi sustrakajucca vielmi redka. Tamu daśledčyki miarkujuć, što čałavieka mahli źmiaścić u kałodziež nie vypadkova, a ŭ ramkach peŭnaha staražytnaha abradu, užo paśla taho, jak jon pierastaŭ vykarystoŭvacca dla zachoŭvańnia vady.
Pakul nieviadoma, kim byŭ pachavany čałaviek, — jaho poł i ŭzrost pavinny dapamahčy vyznačyć dalejšyja daśledavańni. Archieołahi taksama płanujuć dadatkova vyvučyć čałaviečyja kostki, artefakty, hlebu i reštki žyvioł i raślin.
Jość i jašče adna cikavaja detal: pavodle papiarednich daśledavańniaŭ, staražytnaje zbudavańnie mahło znachodzicca siarod kruhłych kanstrukcyj, źviazanych z žyłymi damami. Heta moža dać dadatkovuju infarmacyju pra ludziej, jakija žyli tut kala 2000 hadoŭ tamu, i pra ich rytualnyja tradycyi.
U Rasii śćviardžajuć, što znajšli moščy Dźmitryja Danskoha
Akademija navuk rychtuje archieałahičnuju kartu Minska. Apošnija znachodki na Miency ŭnosiać značnyja karektyvy ŭ historyju horada
Pad Tałačynom adkapali freski ŭ krypcie kniazioŭ Druckich-Sakolinskich. Na raskopki naźbirali praz kraŭdfandynh
Padčas raskopak u Połacku znajšli staražytnaje hrafici i frahmient halerei XII stahodździa
U Hrodnie archieołahi znajšli frahmienty kaścioła kanca XVI — siaredziny XVII stahodździa
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary