Vyjezdy ź Minska na Brest, Hrodna, Maładziečna i Słuck zrobiać cemientna-bietonnymi
Da 2030 hoda na asnoŭnych trasach, jakija vychodziać ź Minska ŭ napramku Bresta, Hrodna, Maładziečna i Słucka, płanujecca ŭładkavać učastki z cemientna-bietonnym pakryćciom. Heta praduhledžana dziaržaŭnaj prahramaj «Darohi Biełarusi» na 2026—2030 hady.
Bietonnaje pakryćcio źjavicca na čatyroch važnych napramkach: R-1 «Minsk — Dziaržynsk», M-6 «Minsk — Hrodna», R-28 «Minsk — Maładziečna — Narač» i R-23 «Minsk — Mikaševičy».
Na trasie R-1, jakaja złučaje Minsk z Fanipalem i Dziaržynskam, płanujecca pašyryć darohu da čatyroch-šaści pałos.
Na hrodzienskim napramku ŭčastak ad Minska da druhoj kalcavoj aŭtadarohi rekanstrujujuć i pašyrać da troch pałos u kožny bok.
Na maładziečanskaj trasie ŭžo idzie rekanstrukcyja ŭčastka kala miemaryjalnaha kompleksu «Linija Stalina» praciahłaściu 5,3 kiłamietra. Zamiest ciapierašnich dźviuch pałos tam budzie čatyry. Darohu zrobiać ź bietonnym pakryćciom, ustalujuć barjernuju aharodžu i pabudujuć parkoŭku na 300 mašyn. Zaviaršyć raboty płanujuć u listapadzie 2027 hoda.
Trasa ŭ napramku Mahilova ŭžo maje nieabchodnaje pakryćcio. Na viciebskim napramku mianiać pakryćcio nie płanujuć, ale rekanstrukcyja darohi praciahniecca. Homielskaja trasa taksama pakul adnosna novaja i zdolnaja vytrymlivać značnyja nahruzki.
Jak adznačyŭ ministr transpartu Alaksiej Lachnovič, cemientna-bietonnyja darohi majuć šerah pieravah. Jany dazvalajuć nie ŭvodzić viasnovyja abmiežavańni dla ruchu ciažkich hruzavikoŭ i aŭtobusaŭ, vytrymlivajuć bolšuju nahruzku na voś i słužać daŭžej.
Abjomy budaŭnictva takich daroh płanujuć istotna pavialičyć. U 2021—2025 hadach u Biełarusi pabudavali kala 60 kiłamietraŭ daroh z vykarystańniem bietonu. Na nastupnyja piać hadoŭ zapłanavana ŭžo kala 175 kiłamietraŭ.
U cełym dziaržaŭnaja prahrama «Darohi Biełarusi» na 2026—2030 hady praduhledžvaje ramont i rekanstrukcyju nie mienš jak 25 tysiač kiłamietraŭ daroh. Na hetyja mety płanujecca nakiravać kala 19 miljardaŭ biełaruskich rubloŭ.
Ci praviaduć mietro ŭ «Paŭnočny bierah» i jak rekanstrujujuć Daŭhinaŭski trakt. Jakija pieramieny čakajuć Centralny rajon stalicy
Kali zapuściać novuju darohu ŭ Kaladzičy i Hatava? Źjavilisia naviny
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
U Minsku pačali budavać pieršy abjekt treciaj kalcavoj darohi
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia7
Kamientary