Sabaka ŭ namordniku ŭsiu noč čakaŭ haspadara kala kramy. Jaho šukali ŭsim Threads
Haspadar viarnuŭsia pa hadavanca tolki praz 16 hadzin.
Uviečary 13 žniŭnia, kala 20‑j hadziny, kala kramy na Partyzanskim praśpiekcie ŭ Minsku pakinuli sabaku. Žyviolina była pryviazanaja i ŭsiu noč praviała ŭ namordniku. Haspadar viarnuŭsia pa hadavanca tolki praz 16 hadzin, piša Onliner.by.
Post pra toje, što adbyłosia, zavirusiŭsia ŭ Threads. Situacyja nie pakinuła ludziej abyjakavymi. Mnohija pisali pra toje, što nieabchodna źniać namordnik, napaić i nakarmić žyviołu. Taksama ludzi aburalisia tym, što sabaku pakinuli. Haspadara šukali ŭsim Threads.
«Abaviazkova źniać namordnik! Jon nie daje dychać, nie rehuluje ciepłaabmien. Heta vieterynarny namordnik, tolki ŭ miedycynskich metach možna vykarystoŭvać. Kali łaska, dapamažycie sabaku!»
«Žach! Heta vieterynarny namordnik! Vielmi padobna, što śpiecyjalna tam pakinuli (( Namordnik ža treba źniać, vady choć dać».
«Heta rehularnaje i žorstkaje abychodžańnie z žyviołaj».
U vyniku da sabaki pryjechaŭ kinołah, źniaŭ namordnik, pahulaŭ ź im i vyvieŭ u prybiralniu. Aŭtarka pasta nakarmiła jaho sasiskami i ŭžo chacieła telefanavać u 102, ale… a 12‑j hadzinie dnia pa hadavanca viarnuŭsia haspadar.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary