Vyjšaŭ na svabodu homielski aktyvist Juryj Ułasaŭ, davieranaja asoba Cichanoŭskaj u 2020‑m
Jon byŭ asudžany na šeść z pałovaj hadoŭ i całkam adbyŭ pryznačany termin.
Stała viadoma pra vyzvaleńnie 59‑hadovaha Juryja Ułasava — davieranaja asoba Śviatłany Cichanoŭskaj na vybarach-2020.
Pa roznaj infarmacyi, jon vyjšaŭ na svabodu ci 7 žniŭnia, ci 11 žniŭnia.
Ułasaŭ dałučyŭsia da kamandy Siarhieja Cichanoŭskaha ŭ 2019 hodzie.
Pieršy raz byŭ zatrymany 7 maja 2020 hoda, kali ŭ Homieli prajšła akcyja ŭ padtrymku aryštavanaha napiaredadni Siarhieja Cichanoŭskaha. Ułasavu dali 15 sutak, a potym jašče 30 sutak.
Pa vyzvaleńni dałučyŭsia da kamandy Śviatłany Cichanoŭskaj. Kamanda pravodziła ahitacyju amal va ŭsich rajcentrach Homielskaj vobłaści.
Juryja Ułasava aryštavali ŭ Homieli 6 žniŭnia 2020 hoda, napiaredadni vybaraŭ.
U dačynieńni da jaho, a taksama čalcoŭ kamandy pa Homielščynie Taćciany Kanieŭskaj, Dźmitryja Ivaškova i Alaksandra Šabalina byli zaviedzienyja kryminalnyja spravy pa č. 2 art. 293 (udzieł u masavych biesparadkach) i pa art. 292 Kryminalnaha kodeksa (zachop budynkaŭ), a Ułasaŭ dadatkova abvinavačvaŭsia ŭ «publičnaj abrazie pradstaŭnika ŭłady» (č.1 art. 369 Kryminalnaha kodeksa).
4 maja 2021 atrymaŭ šeść z pałovaj hadoŭ kałonii, bolš za astatnich fihurantaŭ spravy.
Ułasaŭ adbyvaŭ pakarańnie ŭ kałonii ŭ Navapołacku, adnak z 2023 da 2025 hoda jaho pieravodzili na turemnyja ŭmovy ŭ Žodzina.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča22
Kamientary