Rasijski piensijanier zahinuŭ na vajnie. Zatoje jaho siastry-biełaruscy pašancavała — atrymała adnu piatuju «Łady»
Praŭda, mašyna nie novaja, tamu dolu Aleny Ciarajevaj u «Ładzie» acanili tolki ŭ $250.
Hramadzianka Biełarusi Alena Ciarajeva (dziavočaje proźvišča — Dorachava) damahłasia ŭ Rasii praz sud, kab joj addali piatuju častku majomaści Ivana Dorachava — jaje brata, jaki zahinuŭ va Ukrainie.
U krasaviku 2024 hoda Ivan Dorachaŭ, jakomu na toj momant było 64 hady, pajechaŭ pavajavać. Atrymałasia tak sabie — pamiž momantam padpisańnia kantraktu i jaho źniknieńniem prajšło roŭna dva tydni. A voś na toje, kab dastać jaho cieła i ŭziać uzory DNK dla identyfikacyi, patracili bolš za paŭhoda.
Zrešty, dzialić spadčynu nie było asabliva kamu. I baćki, i žonka, i dzieci Ivana ŭžo pamierli. Tady čarha dajšła da bratoŭ i siaścior. Spačatku pa spadčynu pryjšła siastra Viera. Paśla padklučylisia i astatnija — Ihar, Juryj, Taćciana i Alena. Alena adzinaja ź ich hramadzianka Biełarusi.
U vyniku majomaść zahinułaha padzialili na piać častak. Ad Ivana zastaŭsia dom rynkavym koštam $1100, haraž koštam $800, chleŭ koštam $300, a taksama aŭtamabil.
I mienavita «Łada» — samaje darahoje, što było ŭ Ivana. Aŭtamabil 2005 hoda acanili ŭ $1250.
A na rachunkach lažali jašče i reštki piensii — prykładna $275.
Usio heta dabro ŭ vyniku i padzialili pamiž piaciu bratami i siostrami.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary