Bresckija mytniki zatrymali 37‑hadovaha hramadzianina Partuhalii, jaki sprabavaŭ uvieźci ŭ Biełaruś narkatyčnyja rečyvy. Mužčyna jechaŭ praz punkt propusku «Brest» jak pasažyr rejsavaha aŭtobusa, paviedamlaje Dziaržaŭny mytny kamitet.
Dla prachodžańnia miažy mužčyna vybraŭ zialony kalidor i zajaviŭ, što nie maje pry sabie tavaraŭ, zabaronienych abo abmiežavanych dla pieramiaščeńnia praź miažu.
Padčas mytnaha kantrolu słužbovy sabaka adreahavaŭ na zamiežnika ŭ zale afarmleńnia. Adnak navat paśla dadatkovaha pytańnia supracoŭnika mytni mužčyna znoŭ admoviŭsia pryznać najaŭnaść u siabie zabaronienych rečyvaŭ.
Pry ahladzie jaho rečaŭ u zaplečniku i čamadanie byli znojdzienyja dźvie raspačatyja pački cyharet z padazronym źmieścivam. Ekśpiertyza pakazała, što ŭ 20 z 40 pravieranych cyharet znachodziŭsia hašyš, jašče ŭ dźviuch — marychuana.
Pa fakcie zdareńnia Bresckaja mytnia zaviała kryminalnuju spravu. Zakanadaŭstva Biełarusi praduhledžvaje za takoje złačynstva pakarańnie ŭ vyhladzie pazbaŭleńnia voli na termin da dziesiaci hadoŭ.
Na čas rasśledavańnia ŭ dačynieńni da zatrymanaha abrana miera strymańnia ŭ vyhladzie zaklučeńnia pad vartu.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra9
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary