«Vyhladaje jak žart». U biełaruski śpisali 3740 BYN za 6 chvilin u roŭminhu
U sacyjalnaj sietcy Threads adna z karystalnic padzialiłasia historyjaj pra košt mabilnaha internetu ŭ mižnarodnym roŭminhu. U abanienta śpisali 3740,75 rubla (kala $1350) za znachodžańnie ŭ sietcy na praciahu 6 chvilin. Vydańnie Myfin.by źviazałasia ź dziaŭčynaj i paprasiła raskazać pra situacyju padrabiaźniej.
«Padtrymka zapeŭnivaje, što takija vot taryfy»
Alaŭcina 29 maja palacieła ŭ Hruziju, a jak tolki samalot pryziamliŭsia, adklučyła na smartfonie «avijarežym», kab uklučyć eSIM, jakuju zahadzia spampavała i apłaciła.
«Ale jana vydała pamyłku, i mnie pačali prychodzić nazapašanyja za čas palotu sms i aŭdyjapaviedamleńni ŭ Telegram».
Zhodna z aficyjnaj detalizacyjaj, jakuju abanientka atrymała paźniej, siesija praciahvałasia roŭna 6 chvilin. Za hety čas aparat u fonavym režymie paśpieŭ spampavać 110 miehabajtaŭ danych. Numar zabłakavali.
«U słužbie padtrymki apieratara MTS mnie paćvierdzili, što nijakaj pamyłki tut niama, śpisańnie adbyłosia karektna zhodna ź dziejnym taryfam. Akazvajecca, bazavy taryf na internet-trafik u Hruzii składaje 33 rubli za 1 miehabajt. U maich siabroŭ z Rasii košt roŭminhu ŭ anałahičnych umovach abychodzicca roŭna ŭ 100 razoŭ tańniej».
Alaŭcina adznačaje, što paŭtara hoda tamu ŭžo lotała ŭ Hruziju z hetym samym numaram, i tady padobnych incydentaŭ nie zdarałasia.
U najbližejšyja try miesiacy Alaŭcina viartacca ŭ Biełaruś nie płanuje. Adnak u padtrymcy zajavili, što hatovyja razhledzieć varyjant rasterminoŭki abo adterminoŭki płaciažu pa hetym daŭhu, ale dla hetaha treba źjavicca ŭ ofis MTS u Minsku asabista i napisać zajavu.
Žurnalisty paprasili MTS prakamientavać situacyju. Voś jaki adkaz byŭ atrymany:
«Pry aktyvacyi eSIM inšych servisaŭ patrabujecca abaviazkovaje padklučeńnie da internetu — praz Wi-Fi abo mabilnyja danyja. U hetym vypadku abanient skarystaŭsia internet-trafikam z pamiehabajtnaj taryfikacyjaj, nie padklučyŭšy aptymizujučyja pasłuhi.
Samaje nadziejnaje rašeńnie ŭ takich situacyjach — zahadzia padklučyć pasłuhi, jakija praduchilajuć niespadziavanyja vydatki. Naprykład, u Hruzii dastupnyja internet-pakiety ad 1 HB za 25 rubloŭ da 10 HB za 60 rubloŭ.
A ŭžo z 5 červienia abanientam MTS i ŭvohule nie pryjdziecca turbavacca pra vialikija naličeńni, łakalnuju SIM-kartu, eSIM abo Wi-Fi: zamiest pamiehabajtnaj taryfikacyi va ŭsich partnioraŭ pa internet-roŭminhu pačnuć pa zmaŭčańni dziejničać sutačnyja intervały ŭ bolšaści papularnych kirunkaŭ: pieršyja dva kroki pa 0,5 HB (ad 15 rubloŭ), dalej pa 1 HB (ad 22 rubloŭ), jakija zrobiać roŭminh prazrystym, dastupnym i abaroniać ad padobnych situacyj navat tych, chto zabyŭsia padklučyć pakiet».
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej4
Kamientary
Ale ž nie, im treba hrošy