Brytanski akcior Entani Ched, viadomy najpierš pa rolach u sieryjałach «Bafi — vyniščalnica vampiraŭ» i «Ted Łasa», pamior va ŭzroście 72 hadoŭ. Pra śmierć akciora paviedamili jahonyja dočki Emili i Dejzi. Pavodle ich słoŭ, Ched mirna pajšoŭ z žyćcia ŭ kole siamji ŭ vyniku ŭskładnieńniaŭ paśla pnieŭmanii.
Najbolšuju viadomaść Entani Chedu pryniesła rola Rupierta Džajłza ŭ sieryjale «Bafi — vyniščalnica vampiraŭ». Jahony hieroj byŭ nastaŭnikam i apiekunom hałoŭnaj hieraini Bafi Samiers. Akcior zdymaŭsia va ŭsich siami siezonach prajekta razam z Saraj Mišel Hiełar.
U papularnym sieryjale «Ted Łasa» Ched vykanaŭ rolu Rupierta Menijona — byłoha ŭładalnika futbolnaha kłuba «Ryčmand», jaki paśla razvodu pieradaŭ kantrol nad kamandaj svajoj byłoj žoncy.
Siarod inšych viadomych rabot akciora — rola premjer-ministra ŭ kamiedyjnym sieryjale «Maleńkaja Brytanija» i karala Utera Piendrahona ŭ fentezijnym sieryjale «Mierlin».
U svajoj zajavie dočki akciora adznačyli, što hanaracca tym, što byli dziećmi Entani Cheda i mieli mahčymaść bačyć, jak jahonyja talent i praca ŭpłyvali na ludziej. Jany padkreślili, što Entani Ched vielmi lubiŭ svaju prafiesiju i zaŭsiody ličyŭ vialikim šancam pracavać z talenavitymi kalehami na praciahu karjery, jakaja doŭžyłasia niekalki dziesiacihodździaŭ.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?4
Kamientary