Pamierła Maržan Satrapi — aŭtarka hrafičnaha ramana «Piersiepolis»
Jana pamierła va ŭzroście 56 hadoŭ u Paryžy.
«Maržan Satrapi pamierła ad smutku krychu bolš čym praz hod paśla śmierci Macijasa Rypy, jaje muža i kachańnia ŭsiaho jaje žyćcia», — havorycca ŭ zajavie jaje blizkich.
U 2000 hodzie Satrapi vypuściła hrafičny raman «Piersiepolis», u jakim raspaviała pra svajo dziacinstva ŭ Iranie padčas isłamskaj revalucyi i žyćcio ŭ emihracyi. Kniha atrymała suśvietnaje pryznańnie. U pryvatnaści, The New York Times uklučyŭ jaje ŭ śpis 100 najlepšych knih XXI stahodździa.
Raman jość i ŭ biełaruskim pierakładzie, jaho vypuściła vydaviectva «Pflaŭmbaŭm».
Pa knizie Satrapi stvaryła animacyjny film, jaki atrymaŭ śpiecyjalny pryz žury Kanskaha kinafiestyvalu ŭ 2007 hodzie.
Roli ŭ im ahučvali Kjara Mastrajańni, Katryn Denioŭ, Džyna Roŭłends. Film atrymaŭ śpiecyjalnuju premiju žury Kanskaha fiestyvalu, premiju Siezar u dvuch naminacyjach, byŭ naminavany na premiju BAFTA i na «Oskar» jak najlepšy animacyjny poŭnamietražny film. Film vyklikaŭ pieraśled z boku relihijnych fundamientalistaŭ u Livanie i Siryi.
Kamientary