Памерла Маржан Сатрапі — аўтарка графічнага рамана «Персеполіс»
Яна памерла ва ўзросце 56 гадоў у Парыжы.
«Маржан Сатрапі памерла ад смутку крыху больш чым праз год пасля смерці Маціяса Рыпы, яе мужа і кахання ўсяго яе жыцця», — гаворыцца ў заяве яе блізкіх.
У 2000 годзе Сатрапі выпусціла графічны раман «Персеполіс», у якім распавяла пра сваё дзяцінства ў Іране падчас ісламскай рэвалюцыі і жыццё ў эміграцыі. Кніга атрымала сусветнае прызнанне. У прыватнасці, The New York Times уключыў яе ў спіс 100 найлепшых кніг XXI стагоддзя.
Раман ёсць і ў беларускім перакладзе, яго выпусціла выдавецтва «Пфляўмбаўм».
Па кнізе Сатрапі стварыла анімацыйны фільм, які атрымаў спецыяльны прыз журы Канскага кінафестывалю ў 2007 годзе.
Ролі ў ім агучвалі К’яра Мастраянні, Катрын Дэнёў, Джына Роўлэндс. Фільм атрымаў спецыяльную прэмію журы Канскага фестывалю, прэмію Сезар у двух намінацыях, быў намінаваны на прэмію BAFTA і на «Оскар» як найлепшы анімацыйны поўнаметражны фільм. Фільм выклікаў пераслед з боку рэлігійных фундаменталістаў у Ліване і Сірыі.
Цяпер чытаюць
«Я супрацоўніца КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку9
Каментары