Baksior Dźmitryj Asanaŭ śviatkavaŭ svaju čarhovuju pieramohu ŭ tradycyjnym biełaruskim stroi
Na intervju paśla boju jon patłumačyŭ svoj vybar, piša «Trybuna».
«Tak, heta nacyjanalny biełaruski stroj. Ja pradstaŭlaju svaju krainu. Ja adtul. Maja siamja žyvie tam. Ja lublu hetu krainu!», — adkazaŭ baksior na pytańnie žurnalistaŭ, što heta na im za adzieńnie i što jon chacieŭ vykazać, nadzieŭšy jaho.
5 červienia u bai za tytuł interkantynientalnaha čempijona IBF i kantynientalnaha čempijona Amieryki WBC u kanadskim Manreali Dźmitryj Asanaŭ nakaŭtavaŭ vieniesuelca Rodžera Hućjeresa. Supiernik admoviŭsia praciahvać boj u šostym raŭndzie. Heta była 13‑ia pieramoha biełarusa ŭ prafiesijnym boksie.
Dźmitryj Asanaŭ — adzin z samych paśpiachovych biełaruskich baksioraŭ sučasnaści.
Naradziŭsia ŭ 1996 hodzie ŭ Maładziečnie, sportam zajmajecca ź dziacinstva, jaho pieršym trenieram byŭ baćka. U amatarskaj karjery Asanaŭ vyjhraŭ srebra Jeŭrapiejskich hulniaŭ, bronzu čempijanatu śvietu i stanaviŭsia čempijonam Jeŭropy.
Z 2022 hoda vystupaje ŭ prafiesijnym boksie i da siońnia niepieramožny.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?4
Kamientary