Баксёр Дзмітрый Асанаў святкаваў сваю чарговую перамогу ў традыцыйным беларускім строі
На інтэрв’ю пасля бою ён патлумачыў свой выбар, піша «Трыбуна».
«Так, гэта нацыянальны беларускі строй. Я прадстаўляю сваю краіну. Я адтуль. Мая сям'я жыве там. Я люблю гэту краіну!», — адказаў баксёр на пытанне журналістаў, што гэта на ім за адзенне і што ён хацеў выказаць, надзеўшы яго.
5 чэрвеня у баі за тытул інтэркантынентальнага чэмпіёна IBF і кантынентальнага чэмпіёна Амерыкі WBC у канадскім Манрэалі Дзмітрый Асанаў накаўтаваў венесуэльца Роджэра Гуцьерэса. Супернік адмовіўся працягваць бой у шостым раўндзе. Гэта была 13‑я перамога беларуса ў прафесійным боксе.
Дзмітрый Асанаў — адзін з самых паспяховых беларускіх баксёраў сучаснасці.
Нарадзіўся ў 1996 годзе ў Маладзечне, спортам займаецца з дзяцінства, яго першым трэнерам быў бацька. У аматарскай кар'еры Асанаў выйграў срэбра Еўрапейскіх гульняў, бронзу чэмпіянату свету і станавіўся чэмпіёнам Еўропы.
З 2022 года выступае ў прафесійным боксе і да сёння непераможны.
Цяпер чытаюць
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы2
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары