Ціханоўская пракаментавала зварот часткі палітвязняў да кіраўніцтва краін ЕС
«Нельга дазваляць рэжыму нас раскалоць. Тыя дылемы, якія закідваюцца, — ціск ці дыялог, перамовы ці санкцыі — фальшывыя. Адно без другога не працуе. Без ціску рэжым не будзе весці сур’ёзны дыялог».
Святлана Ціханоўская у адмысловым відэазвароце адгукнулася на ліст за вызваленне палітвязняў. Яна падтрымала патрабаванні вызваліць людзей і спыніць рэпрэсіі, расказала пра працу з міжнароднымі партнёрамі і патлумачыла, чаму для вызваленняў патрэбныя і ціск, і перамовы.
«Хачу сказаць вялікі дзякуй усім, хто падпісаў ліст за вызваленне палітвязняў. Я з вялікай павагай стаўлюся да ўсіх былых палітвязняў — і тых, хто падпісаў ліст, і тых, хто выказвае сумневы.
І я сама падпісала б яго, бо падзяляю ваш боль, і выказаныя патрабаванні — вызваліць людзей, спыніць рэпрэсіі, каб усе маглі вярнуцца дадому. Яны справядлівыя. І я зраблю ўсё, што ад мяне залежыць, каб ваш голас быў пачуты.
Не трэба спрачацца, хто больш хоча вызвалення людзей. Нельга дазваляць рэжыму нас раскалоць. Тыя дылемы, якія закідваюцца, — ціск ці дыялог, перамовы ці санкцыі — фальшывыя. Адно без другога не працуе. Без ціску рэжым не будзе весці сур’ёзны дыялог», — сцвярджае дэмакратычная лідарка.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых
Пальчыс пра ліст Калеснікавай і Золатавай: «За ўсё добрае, супраць усяго дрэннага», але ў рэальнасці гэта пакіне 9 мільёнаў у лакальным КНДР
Ціханоўская: Кантакты з рэжымам могуць быць карыснымі, але санкцыі ЕС трэба захаваць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Ціханоўская (сёння): "Тыя дылемы, якія закідваюцца: ціск ці дыялог, перамовы ці санкцыі - фальшывыя."
Золатава (учора): "Дилемма «либо санкции, либо переговоры» - ложная."
У чым тады розніца пазіцый?
Ціханоўская (сёння): "Са свайго боку я буду рабіць усё, што ад мяне залежыць".
Калеснікава (учора): "И мы будем говорить, предлагать решения и действовать".
Таксама згода :-I
І ўсё ж, што канкрэтна будуць (прапануюць) рабіць кожны бок?
Мабыць, сітуацыя цяжкая, рэсурсаў і ўплыву на вялікую палітыку амаль няма, зрабіць амаль нічога не магчыма... прызнаць гэта нельга, застаецца толькі абменьвацца лістамі, заявамі :(
І трагікамічнае пра медыя: у НН то "зварот часткі палітвязняў", то "зварот Калеснікавай і Золатавай". А калі сказаць "зварот 110 палітвязняў", то што, свет абваліцца? Трымайце ўдар.
"Зеркало" ўвогуле дагэтуль маўчыць пра зварот СЦ. Перапалох? Па загалоўках за 2 дні таксама можна дысертацыю напісаць.