Сотні беларусаў аформілі на сябе банкаўскія карткі, каб прадаць іх расійскім махлярам
Восенню мінулага года смаленскія сілавікі выйшлі на след удзельніка групоўкі тэлефонных махляроў. На імя 26‑гадовага хлопца прыйшла пасылка з вялікай колькасцю банкаўскіх картак. 151 картку і SIM-карткі, якія знаходзіліся ў пасылцы, замянілі муляжамі і арганізавалі засаду. Калі атрымальнік прыйшоў па пасылку, яго затрымалі з доказамі злачынства, паведамляе пракуратура Смаленскай вобласці Расіі.
Падчас ператрусу ў кватэры знайшлі яшчэ 520 электронных сродкаў плацяжу і сродкі доступу да іх. На іх ужо былі падключаныя сістэмы дыстанцыйнага банкаўскага абслугоўвання. Усё гэта малады чалавек набыў са жніўня да кастрычніка 2025 года і збіраўся за грошы перадаць трэцім асобам.
Асаблівасць гэтай гісторыі ў тым, што ўсе банкаўскія карткі былі аформленыя на грамадзян Беларусі. Яны былі так званымі дропамі — людзьмі, якія звычайна за ўзнагароду афармляюць на сябе банкаўскія карткі, каб потым перадаць іх махлярам. Такім чынам, сотні беларусаў сталі памагатымі расійскіх злачынцаў.
Затрыманы ў Смаленску малады чалавек быў не шараговым удзельнікам групоўкі. Як паведамляе прэс-служба пракуратуры Смаленскай вобласці, яму адвялі ролю «кантралёра». У яго абавязкі ўваходзілі атрыманне грошай, узаемадзеянне з так званымі дропаводамі праз месенджары і падчас асабістых сустрэч, аплата, праверка працаздольнасці банкаўскіх картак і падрыхтоўка іх да далейшай адпраўкі.
У выніку «кантралёру» выставілі абвінавачанне ў незаконным набыцці электронных сродкаў плацяжу і доступу да іх. Яму пагражае да шасці гадоў пазбаўлення волі і значны штраф.
Тых жа беларусаў, якія прадавалі свае банкаўскія карткі, таксама ёсць законныя падставы прыцягнуць да адміністрацыйнай адказнасці — штрафу да 30 базавых адзінак. А калі праз іх карткі махляры пераводзілі грошы, можа наступіць і крымінальная адказнасць — ад штрафу да шасці гадоў пазбаўлення волі.
Мінчанка не паверыла, што кур’ер працуе ў Нацбанку, і папрасіла парады ў махляроў
11‑гадовая дзяўчынка вынесла з дому 45 тысяч рублёў, каб «выратаваць» маму
Рэчыцкая пенсіянерка завяла раман з акцёрам Меншыкавым і ўляцела на 3 тысячы рублёў. Добра, што больш не мела
Спынена дзейнасць буйной махлярскай сеткі, у якую ўваходзілі больш за 80 чалавек
Мінчуку патэлефанавалі з «пенсійнага фонду» — ён прадаў кватэру і страціў 250 тысяч рублёў
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары