Apublikavali novy rejtynh najbolš papularnych historyka-architekturnych pomnikaŭ Biełarusi
Apublikavany novy rejtynh najbolš papularnych historyka-architekturnych pomnikaŭ Biełarusi, składzieny na padstavie danych ab naviedvańni abjektaŭ abanientami kampanii MTS. Daśledavańnie achoplivaje pieršyja piać miesiacaŭ 2026 hoda i pakazvaje, jakija słavutaści krainy pryciahvajuć najbolšuju ŭvahu turystaŭ, piša Blizko.by.
Na pieršym miescy apynuŭsia Lidski zamak — adzin z najlepš zachavanych siaredniaviečnych zamkaŭ Biełarusi. Z pačatku hoda jaho naviedali bolš za 19 tysiač unikalnych karystalnikaŭ sietki. Akramia taho, mienavita tut byŭ zafiksavany najbolšy abjom mabilnaha internet-trafiku — kala 9 terabajtaŭ, što śviedčyć pra aktyŭnaje vykarystańnie turystami smartfonaŭ dla fatahrafavańnia, videazdymki i abmienu kantentam.
Druhoje miesca zaniaŭ miemaryjalny kompleks «Chatyń», jaki naviedali kala 17 tysiač čałaviek.
Treciaj stała Barysahlebskaja (Kałožskaja) carkva ŭ Hrodnie, što pryciahnuła prykładna 16 tysiač naviedvalnikaŭ.
Pavodle padlikaŭ analitykaŭ, usie abjekty, jakija ŭvajšli ŭ dvaccatku lidaraŭ, za studzień — maj naviedali amal 200 tysiač karystalnikaŭ sietki.
Asabliva prykmietny rost cikavaści turystaŭ adznačany da muzieja-siadziby Michała Kleafasa Ahinskaha ŭ Zaleśsi, Kosaŭskaha pałaca, Navahradskaha zamka i kaścioła Śviatoj Trojcy ŭ Hierviatach Astravieckaha rajona. Hetyja abjekty prademanstravali najlepšuju dynamiku naviedvańnia ŭ paraŭnańni ź minułymi pieryjadami.
Samy značny siezonny rost zafiksavany ŭ Bresckaj krepaści. Kali ŭ studzieni kolkaść naviedvalnikaŭ była adnosna nievialikaj, to ŭ mai jana pavialičyłasia amal utraja.
Cikavym byŭ i pakazčyk vykarystańnia mabilnaha internetu. Kamianieckaja vieža, choć i nie ŭvachodzić u lik samych naviedvalnych abjektaŭ, stała lidaram pa abjomie trafiku na adnaho turysta. Usiaho tam było vykarystana kala 7,3 terabajta źviestak. Heta śviedčyć pra toje, što naviedvalniki aktyŭna robiać fatahrafii i videa, a taksama dzielacca imi ŭ sacyjalnych sietkach.
Zabudźcie pra «biełaha lebiedzia». Safijskamu saboru ŭ Połacku prapanujuć viarnuć histaryčny kalarovy fasad
Jak ciapier vyhladaje staradaŭni kaścioł, na vyratavańnie jakoha dziaržava źbiraje achviaravańni FOTY
Skasavanyja achoŭnyja zony pałaca Patockich i zamka Sapiehaŭ u Vysokim. Na ich terytoryi pabudujuć basiejn «Nyrec»
Ad kaściołaŭ da «biełaruskich Maldyvaŭ»: padarožža pa Biełarusi skroź čas i kolery
Daśledčyki dziesiacihodździami pamylalisia nakont kaścioła ŭ Budsłavie. Archieałahičnyja znachodki abvierhli staryja teoryi
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Było b bolš cikavostkaŭ dla rasiejskich turystaŭ, ale na žal tutejšyja amal usio raściahnuli na cehłu.