Staražytny horad na zachadzie Hiermanii rychtujuć da evakuacyi praz pažary
Lasny pažar, jaki lutuje ŭ Bielhii na miažy z Hiermanijaj, užo zakranuŭ terytoryju płoščaj kala 1600 hiektaraŭ. Žycharam raźmieščanaha na niamiecka-bielhijskaj miažy horada Monšau rekamiendujecca padrychtavacca da mahčymaj evakuacyi. Za minułuju noč połymia nabliziłasia na adlehłaść troch kiłamietraŭ da niamieckaj miažy, piša BILD.
Žycharam paciarpiełych rajonaŭ rekamiendavana pa mahčymaści pasprabavać znajści prytułak u siabroŭ ci svajakoŭ. Ułady Paŭnočnaha Rejna-Viestfalii taksama płanujuć arhanizavać časovyja prytułki. Na bielhijskim baku ŭžo pačałasia evakuacyja haradoŭ Kiuchielšajd i Lejkaŭl.
Pavodle aficyjnych danych, u Monšau pražyvaje kala 12 tysiač čałaviek, pry hetym horad štodnia naviedvajuć bolš za piać tysiač turystaŭ — da dvuch miljonaŭ za hod.
Jany pryjazdžajuć pahladzieć histaryčny centr z zachavanymi fachvierkavymi damami, jaki nie paciarpieŭ padčas Druhoj suśvietnaj vajny.
Monšau pryznany samym pryhožym małym horadam Hiermanii.
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika5
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary