Žančyna ŭ Vienie sudzicca z horadam praz seksisckuju płatu za hramadskija tualety
Hrošy spahaniajuć tolki za naviedvańnie kabinki, a pisuary biaspłatnyja. Ale jany ž tolki dla mužčyn!
27‑hadovaja žycharka Vieny Miełani Hradzik padała ŭ sud na haradskija ŭłady, abvinavaciŭšy ich u dyskryminacyi: žančyny pavinny płacić za karystańnie hramadskimi prybiralniami, tady jak mužčyny mohuć biaspłatna karystacca pisuarami, piša Daily Mail.
Jana raspaviała, što ideja źviarnucca ŭ sud uźnikła paśla zvyčajnaha pachodu ŭ park: «Ja była ŭ parku ź siabram, i nam abaim spatrebiŭsia tualet. Jon moh schadzić biaspłatna, a ja musiła zapłacić 50 centaŭ. Ja padumała: jak takoje mahčyma?»
«Ja chaču, kab usie mahli karystacca prybiralniaj na roŭnych umovach. Albo my ŭsie płacim 50 centaŭ, albo nichto nie płacić, — zajaviła Hradzik, dadaŭšy, što sprava nie ŭ hrošach: Heta drobiaź, ale jana pakazvaje, jak da žančyn staviacca niaroŭna ŭ paŭsiadzionnym žyćci».
U Vienie naličvajecca 168 hramadskich prybiralniaŭ, 139 ź jakich biaspłatnyja. Pavodle haradskich uładaŭ, astatnija 29 biaruć płatu, bo tam pracujuć dahladčyki.
«U miescach ź intensiŭnym naviedvańniem nieabchodna zabiaśpiečvać nahlad, kab harantavać naležnaje karystańnie i čyściniu», — patłumačyła pradstaŭnica municypaliteta Sandra Cholcinhier. Pavodle jaje słoŭ, u hetych 29 prybiralniach 50 centaŭ spahaniajucca ź ludziej luboha połu, a pisuary dadatkova ŭstalavanyja, «kab praduchilić zabrudžvańnie ad mačeńnia ŭ hramadskich miescach».
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ35
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1515
Kamientary