Bolš za sotniu mihrantaŭ byli aryštavanyja pry sprobach prarvacca ŭ ispanskuju Sieutu
Bolš za 100 mihrantaŭ zatrymali ŭ Maroka paśla zaklikaŭ u sacsietkach paŭtaryć masavy praryŭ u ispanskuju Sieutu. Ispanija ŭzmacniła achovu ankłava, nakiravaŭšy tudy vajskoŭcaŭ i sotni dadatkovych palicejskich, paviedamlaje Sky News.
Marakanskaja palicyja ŭ subotu, 15 žniŭnia, zatrymała nie mienš za 111 čałaviek u rajonie horada Fnidek, raźmieščanaha nasuprać Sieuty. Pavodle Ministerstva ŭnutranych spraŭ Maroka, 109 zatrymanych — mihranty ź inšych krain, jašče dvoje — hramadzianie Maroka.
Palicyja razahnała hrupy ludziej na pahorkach prykładna za try kiłamietry ad miažy. Pavodle ispanskaha ahienctva EFE, dla hetaha vykarystoŭvali ślozatačyvy haz.
Marakanskija ŭłady zahadzia adsočvali paviedamleńni ŭ sacsietkach z zaklikami 15 žniŭnia znoŭ arhanizavać masavy pierachod miažy. Ułady zajavili, što buduć pieraśledavać jak arhanizataraŭ, tak i ŭdzielnikaŭ takoj sproby.
Heta adbyłosia praz dva tydni paśla najbujniejšaha praryvu ŭ Sieutu. 30 lipienia dziasiatki tysiač mihrantaŭ rušyli da ispanskaha ankłava. Pavodle ispanskich uładaŭ, miažu tady pierasiekli kala 72 tysiač čałaviek. Nie mienš za 96 čałaviek zahinuli.
Paśla hetaha Ispanija značna ŭzmacniła achovu Sieuty. Z macierykovaj častki krainy tudy nakiravali vajskoŭcaŭ i bolš za 500 dadatkovych palicejskich. Ciapier u ankłavie dziažurać bolš za 1600 pravaachoŭnikaŭ. U mory taksama ŭstalavali dadatkovuju zaharodu, kab nie dapuścić novaha masavaha pierachodu.
Bolšaść ludziej, jakija trapili ŭ Sieutu padčas papiaredniaha praryvu, paźniej viarnulisia ŭ Maroka. Adnak, pavodle ispanskich uładaŭ, kala 5000 čałaviek pa-raniejšamu zastajucca ŭ ankłavie. Ispanija płanuje viarnuć ich u Maroka, za vyklučeńniem asobnych vypadkaŭ, kali čałaviek znachodzicca ŭ asabliva ŭraźlivym stanoviščy.
Situacyja vakoł Sieuty vyklikała napružanaść pamiž krainami ES.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam10
Kamientary