«Nasamreč kamanda nie zaŭsiody była skancentravana na Babaryku. Nie ŭsio syšłosia na im». Kraŭcoŭ vypisvaje Babaryku z «babarykancaŭ»?
«Babaryka z kamandaj i Babaryka biez kamandy — heta absalutna roznyja rečy», — pierakanany Ivan Kraŭcoŭ, jaki ciapier, vyhladaje, zastaŭsia prychilnikam tolki Maryi Kaleśnikavaj.
Były sakratar Kaardynacyjnaj rady i, mahčyma, užo były «babarykaniec» Ivan Kraŭcoŭ u strymie Lizaviety Prakopčyk tłumačyŭ joj, što ŭ štabie «babarykancaŭ» nie ŭsio syšłosia na samim Babaryku.
«Viktar Dźmitryjevič [Babaryka], u pryncypie, razumny mužyk. Prablema ŭ tym, što vynik 2020 hoda, jaki jon atrymaŭ, heta była kamandnaja rabota. Usio, što było — i podpisy, i pijar-kampanija… — usie ludzi viadomyja, chto hetym zajmalisia. Tam topavyja ludzi ź ivent-industryi, topavyja ludzi ź pijaru, ja, Anton [Radniankoŭ], Kaleśnikava ŭ tym liku, Znak i hetak dalej.
Topavaja kamanda zabiaśpiečyła topavy vynik.
Arhanizacyju iventaŭ, zbor podpisaŭ, usie hetyja boty-nie-boty, «Sumlennyja ludzi». Kamanda vielmi važnaja.
Tamu, viadoma, Babaryka z kamandaj, Babaryka biez kamandy — heta krychu absalutna roznyja rečy.
I ŭ cełym kamanda ž nasamreč nie zaŭsiody była skancentravana na Babaryku. Jak tolki Babaryka sieŭ, my ž rabili kampaniju dla Cichanoŭskaj, zaraz [robim dla] Kaleśnikavaj. Pytańnie ž nasamreč u najaŭnaści mahčymaściej i zadačy.
I nie ŭsio syšłosia na Babaryku.
I voś u nas takoje myśleńnie pra lidaraŭ… Treba hladzieć na prajekty, praź inicyjatyvu. Mnie, ščyra kažučy, uvohule da lampački, tam heta Paźniak, ci Babaryka, ci Kaleśnikava, ci chto, kali realna ja razumieju, što budzie vynik, kali realna ja razumieju, što buduć mahčymaści, ja realna baču, što ludzi hałavoj dumajuć. Dla mianie voś heta samaje hałoŭnaje. A nazapašany imidž, proźvišča, uvohule nie važna. Važnaja sistema. Sistema raboty, kaštoŭnaści, pa jakich rabota arhanizavana. I samaje hałoŭnaje — pradumany hałavoj niejki, razumieješ, vymiaralny vynik».
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary