Da bałtyjskaha ŭźbiarežža Hiermanii prypłyŭ harbaty kit i sieŭ na miel. Jaho tydzień sprabavali ŭratavać, ale nie zmahli
U Bałtyjskim mory kala ŭźbiarežža Hiermanii amal padyšła da zakančeńnia trahičnaja historyja z harbatym kitom, jakoha nie ŭdałosia vyratavać. Žyviolina sieła na miel kala plažu Nindorf niedaloka ad horada Lubieka. Z-za adlivu kit akazaŭsia faktyčna adrezany ad hłybokaj vady, a sproby adkryć jamu tudy darohu akazalisia marnymi.
Niamieckija słužby sprabavali dapamahčy žyviole: vykarystoŭvali ciažkuju techniku, kab pahłybić dno i dać kitu mahčymaść vypłyć. Niekalki razoŭ heta navat atrymlivałasia, ale kit znoŭ i znoŭ viartaŭsia na vodmiel.
Dadatkovaj prablemaj stała toje, što Bałtyjskaje mora značna mienš salonaje, čym akijan, i takaja vada škodzić arhanizmu kita, asłablaje jaho i vyklikaje paškodžańni skury.
Urešcie śpiecyjalisty vyrašyli spynić apieracyju, bo stan žyvioły mocna pahoršyŭsia. Jaho dychańnie stała nierehularnym, a reakcyja na ludziej amal źnikła. Ekśpierty pryznali, što šancaŭ na vyratavańnie praktyčna niama, a dalejšyja sproby tolki pavialičyli b pakuty kita.
Vakoł miesca, dzie znachodzicca kit, płanujuć stvaryć achoŭnuju zonu, kab nie turbavać jaho. Pry hetym ułady admovilisia ad idei prymusovaha ŭsypleńnia, bo heta ŭ takich umovach niebiaśpiečna i składana.
Śpiecyjalisty adznačajuć, što dakładnaja pryčyna, čamu kit trapiŭ u Bałtyjskaje mora, nieviadomaja. Ale viadoma, što heta nie naturalnaje asiarodździe dla takich žyvioł: mora heta zanadta miełkaje i małasalonaje.
Akramia taho, vyśvietliłasia, što kit byŭ asłableny jašče da hetaha — jon zabłytaŭsia ŭ rybałoŭnych sietkach. U jahonaj paščy znajšli ich reštki, što mahło pieraškadžać jamu charčavacca. Heta jašče bolš źniziła šancy žyvioliny na vyžyvańnie.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy3
Kamientary