U Biełarusi vydadziena ŭžo bolš za 520 tysiač ID-kart. Pra heta ŭ pres-centry BiełTA raskazaŭ načalnik respublikanskaha centra paśviedčańniaŭ Nacyjanalnaha centra elektronnych pasłuh Uładzimir Baśko.
Elektronny ličbavy podpis (EŁP) — heta nie prosta fłeška z fajłami, zaŭvažyŭ jon.
«Heta anałah ručnoha podpisu i svajho rodu pašpart u ličbavym śviecie, jaki ŭjaŭlaje saboj składany srodak i technična, i arhanizacyjna, — skazaŭ Uładzimir Baśko. — Dla zabieśpiačeńnia davieru da elektronnych podpisaŭ pravodziacca śpiecyjalnyja pracedury ich vydačy. Mahčyma, jany zdajucca składanymi i praźmiernymi, ale mienavita jany harantujuć, što podpis vydadzieny kankretnamu čałavieku abo pradstaŭniku arhanizacyi. Heta dazvalaje ŭ ličbavym śviecie dakładna paćvierdzić i pry nieabchodnaści dakazać, uklučajučy sudovyja pracesy, što kankretny čałaviek vykarystaŭ svoj elektronny podpis».
Da kłasičnych srodkaŭ elektronnaha ličbavaha podpisu adnosiacca USB-nośbity, a taksama mabilnyja podpisy i ID-karty, jakija ŭkaraniajucca ŭžo niekalki hadoŭ tamu. U pryvatnaści, vydadziena ŭžo bolš za 520 tys. ID-kart.
U płanach centra — ukaranieńnie vobłačnaha ličbavaha podpisu. «Zaraz stvarajecca śpiecyjalizavanaje prahramnaje zabieśpiačeńnie, jakoje dazvolić vykarystoŭvać hetuju technałohiju na mabilnych pryładach. Heta budzie zručna i cikava jak moładzi, tak i inšym karystalnikam, pakolki daść mahčymaść pracavać ź dziaržaŭnymi servisami praz mabilnyja pryłady. Taksama raspracoŭvajecca mahčymaść vykarystańnia ID-kart bieź nieabchodnaści pakupki asobnych sčytvalnikaŭ. Zaraz raspracoŭvajecca ŭniviersalnaje prahramnaje zabieśpiačeńnie, jakoje dazvolić vykarystoŭvać mabilnyja pryłady ŭ jakaści sčytvalnikaŭ dla lubych mabilnych prykładańniaŭ na asnovie praktyčna ŭsich papularnych mabilnych apieracyjnych sistem. Heta značna sprościć vykarystańnie elektronnych ličbavych podpisaŭ», — raskazaŭ načalnik centra.
Kamientary