Chłopiec chodzić pa bankach, kab kupić 50 tysiač adnakapieječnych maniet. Navošta?
Biełarus pa imieni Raman napisaŭ u Threads, što pastaviŭ sabie zadaču sabrać 50 000 maniet pa 1 kapiejcy. Jak vyśvietliłasia, znajści ŭ kasach stolki maniet nie tak užo i prosta, piša Myfin.by.
U pieršy dzień Raman abyšoŭ čatyry banki, ale nie vielmi ŭdała: udałosia sabrać usiaho 1,2% ad patrebnaj sumy.
Jon paprasiŭ dapamohi ŭ Threads — i ludzi adhukajucca. Chtości naličyŭ u siabie kala sotni maniet i hatovy pieradać ich.
Ludzi ŭ kamientarach pačali pisać svaje zdahadki, navošta Ramanu stolki maniet: moža, dla pomsty byłoj, jakaja pracuje ŭ kasie, ci dla pomsty toj, što padała na alimienty? Jon adkazvaje, što sprava ŭ inšym. Na pytańnie, ci nie dla vykupu niaviesty spatrebilisia hrošy, jon adkazaŭ: «Štości nakštałt hetaha».
Raman piša, što kali ŭsio atrymajecca, to paźniej pakaža vynik.
Kamientary