Alaksandr Łukašenka padpisaŭ ukaz, jaki vyznačaje novyja praviły dla handlu, hramadskaha charčavańnia i bytavoha absłuhoŭvańnia ŭ sielskaj miascovaści, piša BiełTA.
Meta dakumienta — zabiaśpiečyć žycharam viosak narmalny vybar tavaraŭ i pasłuh, a taksama naležnuju jakaść absłuhoŭvańnia. Adnačasova ŭłady chočuć zrabić pracu ŭ sielskaj miascovaści bolš vyhadnaj dla biznesu. Dla hetaha praduhledžvajucca śpiecyjalnyja padatkovyja ŭmovy.
Dla aŭtałavak uviaduć bolš dakładnyja patrabavańni. Ich maršruty, hrafiki ruchu i miescy prypynkaŭ pavinny buduć zahadzia zaćviardžacca. Takim čynam, žychary viosak buduć viedać, dzie i ŭ jaki čas možna čakać aŭtamabil z tavarami.
Praściejšaj pavinna stać i pracedura prodažu nieruchomaści, jakuju płanujecca vykarystoŭvać dla handlu i akazańnia bytavych pasłuh u sielskaj miascovaści.
Asabistuju adkaznaść za zabieśpiačeńnie sielskich žycharoŭ tavarami i pasłuhami ŭskładuć na staršyniaŭ abłvykankamaŭ i rajvykankamaŭ, a taksama kiraŭnikoŭ handlovych arhanizacyj. Jany pavinny buduć niepasredna kantralavać, kab patreby žycharoŭ viosak byli zabiaśpiečanyja.
Papiarednija narmatyŭnyja dakumienty, jakija rehulavali handal, hramadskaje charčavańnie i bytavoje absłuhoŭvańnie na vioscy, stracili siłu.
Kamientary
pusť popuzidies katajetsia na hruzovom vielikie i razvozit jedu babulam