Hladzicie, jak źmialeŭ Muchaviec paśla viesnavoj sušy na Bieraściejščynie FOTY
Žychary Bresta ŭ Threads źviarnuli ŭvahu na toje, jak niepryhladna vyhladaje Muchaviec jašče ŭ samym tolki pačatku leta.
«A što z Muchaŭcom takoje stałasia? Čaho jon tak rezka abmialeŭ, jaho ŭ niekatorych miescach užo možna pierajści, asabliva kala mosta ŭ rajonie Trocharačnaj bramy.
Viasnoj narmalna ŭsio było, a ciapier na ŭsiu krepaść kvakajuć žaby i pachnie cinaj…», — napisała adna z karystalnic Threads.
Kamientatary źviartajuć uvahu na toje, što apošnim časam takoje nie redkaść i zdarajecca rehularna. Pryčynaj ža hetamu — małaja kolkaść apadkaŭ u hetym rehijonie, taksama pieraličvajucca i peŭnyja antrapahiennyja faktary:
«Kožny hod takaja karcina apošnija hadoŭ z 10. Płaciny vyšej pa ciačeńni zakrytyja amal zaŭsiody, vady čamuści niama».
«Daždžoŭ doŭha nie było, takoje ŭžo było raniej».
«Nu, uličvajučy što častka vady idzie siudy z Karpat, mahčyma, z-za palityčnych situacyj bolšaść šluzaŭ na miežach pierakrytyja. Tamu vady da nas traplaje mienš. A druhoje — heta mała apadkaŭ».
«Vada trymajecca płacinami dla viaślarnaha kanała, śmiećcie z raki, kali kapali, nie vykidali, a zastavałasia ŭ race. A vady mała i ŭ Lasnoj, suchaja vielmi była viasna…»
«Usiudy ŭzrovień upaŭ z-za małych apadkaŭ. Jašče šluz vadu trymaje, tamu Muchaviec abmialeŭ».
«Plus da ŭsiaho rečyšča parušyli padčas budaŭnictva mosta. Usio adno da adnaho».
Adzin z karystalnikaŭ pry hetaj nahodzie taksama dadaŭ śviežaje fota Buha, u jakoha situacyja ciapier taksama nie bliskučaja.
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1919
Kamientary
Jość takaja dziŭnaja lehienda. Dumaŭ, małaviadomaja. Nie vylečvajecca navat mapami vodapadziełaŭ Ukrainy i Biełarusi.